DIE EINDE VAN ’N HUWELIK
DIE AFFAIR
Susan S het in 2016 ’n Valentynskaartjie van Jolene (toe 35) in Jason se tas gevind, het Susan se sielkundige, s Jane Newcombe, Ne getuig. Die verhouding het glo in Junie 2015 begin. Susan wou wo nie skei nie. Sy het Jason gevra om die affair te staak. Jason het in sy pleitverduideliking erken hy en Susan het huweliksprobleme ervaar, onder meer weens sy buite-egtelike verhouding. Hy beweer Susan het “irrasioneel, obsessief en kwaad” geraak.
DIE LAASTE WOORDEWISSELING
Volgens Jason se polisieverklaring was Susan ontsteld toe hulle ná hul woordewisseling tydens die kongres by Spier in dieselfde bed gaan slaap. Voor hulle daardie nag bed toe is, het die egpaar glo oor Jason se affair vasgesit. Hy het glo in die badkamer vir Jolene ’n selfoonboodskap probeer stuur toe Susan hom betrap, is getuig. Jason wou die hotelkamer verlaat om by kollegas in ’n ander kamer ’n drankie te gaan drink, maar Susan het hom kaalvoet tot by dié kamer gevolg.
Daar het sy hom aangetref waar hy langs Jolene op ’n bed gesit het, het Huisgenoot vroeër berig. Jason is saam met Susan by die kollega se kamer uit, waarna hulle in hul eie hotelkamer verder gestry het, het adv. Graham van der Spuy Jason se weergawe tydens kruisondervraging vertel.
HAAR DOOD
Omstreeks seweuur die Sondagoggend het Susan volgens Jason badkamer toe gegaan. Jason het weer aan die slaap geraak. Toe hy later badkamer toe wou gaan, was die deur van binne gesluit. Hy het die ontvangstoonbank gebel en ’n nutsman, Desmond Daniels, het die deur met ’n skroewedraaier kom oopsluit. Hulle het gesukkel om die deur oop te stoot en Susan se liggaam gevind.
“Die man van instandhouding het my gehelp om haar van die deur af te kry en ek het onmiddellik met noodhulp begin,” het Jason in die verklaring gesê.
Kort nadat die nutsman die deur oopgemaak het, was die Sotheby’sagent William Lee op die toneel. Hy het gesien hoe Jason noodhulp op Susan probeer toepas en het toe die kamer verlaat. Kort daarna het nog ’n agent, Mark Thompson, opgedaag en met die noodhulp gehelp. Susan was reeds dood.
“Ek het haar nie doodgemaak nie en ek het nie haar selfdood georkestreer nie,” het Jason in sy pleitverduideliking gesê. Dit is deur sy regsverteenwoordiger Pete Mihalik in die hof voorgelees.