JOU STERRE

BUL

20 APR – 20 MEI Jou persoonlike jaar staan einde se kant toe, wat dit ’n goeie week maak om die eise van die wêreld eenkant toe te skuif en te dink aan jou verwagtings vir die jaar wat voorlê. Jy moet dalk die mislukkings van die afgelope jaar identifiseer en uitpluis hoe om dieselfde foute te vermy. Dis ook ’n goeie tyd om jou prestasies en suksesse te identifiseer en daarop voort te bou. GELUKKIGE NOMMERS 43,52,3, 51, 32, 22

TWEELING

21 MEI – 20 JUN Mercurius begin vandeesweek vooruitbeweeg; dit behoort soos musiek in die ore te wees van ’n bedrywige Tweeling wat nie tyd het om op vertragings te mors nie. Jy kan ook uitsien na oop kommunikasiekanale. Jou ingebore gawe om jou goed uit te druk sal nuttig wees as jy ’n saketransaksie wil beklink, jou weg uit ’n moeilike situasie wil ooppraat, jou netwerk wil uitbrei of bloot jou standpunt wil oordra. GELUKKIGE NOMMERS 50, 24, 35, 22, 31, 19

KREEF

21 JUN – 21 JUL Dit kan op sy beste ’n opwindende week wees, veral wat jou beroepslewe betref. Onverwagte veranderings kan dalk ’n saai roetine onderbreek, interessante projekte kan in jou inmandjie beland of stimulerende mense kan jou pad kruis. Onvoorsiene omstandighede of ontwrigting uit die bloute kan egter inmeng met jou doelwitte. Hoe dit ook al sy, dit gaan beslis nie ’n vervelige week wees nie. GELUKKIGE NOMMERS 28, 47, 6, 44, 7, 39

LEEU

22 JUL – 22 AUG ’n Opvoedkundige week wag op jou; dis ’n goeie tyd om jou breinselle te oefen. Jy moet dalk jou studie voortsit om jou beroepslewe ’n hupstoot te gee of jou in ’n onderwerp van persoonlike belang verdiep. Die denkende Mercurius beweeg vandeesweek vooruit, wat die weg baan vir intellektuele strewes. Benewens stimulering en kennis inwin, kan jy ook opwindende ontdekkings maak. GELUKKIGE NOMMERS 50, 9, 4, 17, 48, 36

MAAGD

23 AUG – 22 SEP Mercurius beweeg vandeesweek vooruit, wat positiewe gevolge op alle terreine van jou lewe inhou. Dinge vorder volgens plan, of jy nou ’n veeleisende werkrooster probeer baasraak, jou huis in orde wil kry of jou bes wil doen om by ’n gesonde leefplan te hou. Dit kan ’n kommervrye week wees, mits jy jou nie onnodig verknies nie. GELUKKIGE NOMMERS 37, 11, 38, 30, 34, 5

WEEGSKAAL

23 SEP – 22 OKT Mercurius, meester van die tong, beweeg in jou liefdeshoroskoop in, wat goeie nuus is vir Weegskale, wat oop kommunikasiekanale met hul geliefde verkies. Waak daarteen om die balans te versteur wanneer oordaad teen die einde van die week skade aan jou middellyf – en beursie – kan aanrig, veral as jy ’n suikertand het. GELUKKIGE NOMMERS 41, 14, 1, 8, 45, 21

SKERPIOEN

23 OKT – 21 NOV Jy gaan dalk vandeesweek te doen kry met mense wat druk op jou plaas; dus sal jou selfbeheersing beproef word. Hoewel jou veerkragtigheid jou behoort deur te trek, kan dit nietemin ’n stresvolle tyd wees. Onvoorsiene gebeure kan óf ontwrigtende inmenging wees óf vir opwindende veranderings sorg. ’n Positiewe omwenteling in jou liefdeslewe kan die week op ’n hoë noot laat eindig. GELUKKIGE NOMMERS 46, 23, 40, 2, 42, 51

BOOGSKUTTER

22 NOV – 20 DES Mercurius, spreker en skriba van die diereriem, hervat sy vooruitbeweging in ’n medevuurteken. As misverstande verwoesting saai, is dit dus ’n goeie tyd om te probeer vergoed. Die gevaar van nie weet wanneer om briek aan te draai nie dreig teen die einde van die week. Probeer dit in gedagte hou, of jy nou op ’n kooptog is, iets eet, jou vriende terg of energie aan avonture bestee. GELUKKIGE NOMMERS 13, 26, 25, 18, 33, 10

STEENBOK

21 DES – 20 JAN As jy probleme ondervind met tegnologie wat jou in die steek laat of foutiewe huishoudelike toestelle, sal jy bly wees om te weet dinge sal verbeter. Jy wil graag tyd tuis deurbring. Jou huis is jou hawe; die plek waar jy dalk jou studeerkamer ’n slag wil orden, jou tuin waterslim maak of bloot op die rusbank wil ontspan. GELUKKIGE NOMMERS 20, 29, 52, 15, 27, 41

WATERDRAER

21 JAN – 18 FEB ’n Week vol verrassings wag op jou, sowel goed as sleg. As jy vaste gewoontes en bepaalde oortuigings het, gaan jy uit jou gemaksone gestoot word. Aangesien dit ’n potensieel opwindende en stimulerende week is, moet jy probeer ontvanklik wees vir nuwe idees. Jy kan dalk ander verstom met uitvindings en/of deurbrake. GELUKKIGE NOMMERS 51, 49, 12, 16, 7, 3

VISSE

19 FEB – 20 MRT Alle oë is op jou geldsake, en die kommersiële Mercurius begin boonop vandeesweek sy vooruitbeweging in hierdie deel van jou horoskoop. Jy moet die geleentheid aangryp. Probeer jou koffers vul. As jy ietwat oorweldig voel deur syfers, moet jy dalk by ’n professionele finansiële raadgewer aanklop. Moenie die kans laat verbygaan om jou kontantvloei te verbeter nie. GELUKKIGE NOMMERS 42, 38, 43, 17, 15, 1