MARIAH SE JARE LANGE WIPWARIT
Lank het sy nie geweet wat haar makeer nie, maar toe bipolêre gemoedsteuring eindelik by haar gediagnoseer word, het dit lank geduur voor sy dit kon aanvaar
DEKADES lank het Maria Mariah Carey die beeld van ’n vurige, oordadige diva voorgehou. Of sy nou regstreeks op TV met Nicki Minaj ’n vete gevoer het of ’ ’n woedeuitbarsting op die verhoo verhoog gehad het, dit het gelyk asof die drama Mariah oral agtervolg. Maar nou het die suksesvolle popster – wat al 200 miljoen albums verkoop het – in ’n eksklusiewe onderhoud met die tydskrif People onthul sy het al die jare in die geheim met ’n geestestoestand geworstel. In die openhartige onderhoud vertel Mariah bipolariteit II is in 2001 by haar gediagnoseer nadat sy ineenge- stort en in die hospitaal beland het. Nadat sy genoegsaam herstel het om in 2002 reklame te maak vir haar album Charmbracelet, wou haar platemaatskappy hê sy moes oor haar toestand en “terugkeer” praat. “Almal wou hê ek moes sê: ‘Kom ons ervaar weer daardie oomblik, kom ons sit en huil saam met Oprah, kom ons ervaar tranerige Ek-het-dit-oorwin-oomblikke,’ ” vertel sy. Maar in werklikheid het sy toe nog skaars begin om die skok van haar diagnose te verwerk. “Ek wou dit net nie glo nie,” erken sy nou. Haar jongste onthulling het Mariah se broer, Morgan Carey, glad nie verbaas nie. Hy het in 2015 aan National Enquirer gesê hy verkwalik hul ma, Pat Carey, vir die emosionele wipwarit van Mariah se lewe. “Sy het die weg berei vir Mariah se onvermoë om ’n gesonde, eerlike verhouding met ’n man te hê weens hierdie hele fiksasie om ’n diva te wees,” het hy vertel. Volgens Morgan het hul ma, ’n gewese operasangeres, haar kinders in ’n atmosfeer van “vrees, verlating en oneerlikheid” grootgemaak nadat hul pa, Alfred Carey, hulle gelos het toe Mariah drie was. Mariah het erken sy het eers gedink sy ly aan ’n ernstige slaapsteuring. “Maar dit was nie normale slaaploosheid nie en ek het nie wakker gelê en skape tel nie. Ek het gewerk en gewerk en gewerk. Ek was prikkelbaar en gedurig bevrees ek laat mense in die steek. Ek het ’n soort manie ervaar. “Later het ek net ’n muur getref. My depressiewe episodes is gekenmerk deur baie min energie. Ek het dan baie eensaam en hartseer gevoel – selfs skuldig dat ek nie doen wat ek vir my loopbaan moes doen nie.” Nadat sy amper twee dekades lank met bipolêre gemoedsteuring saamgeleef het, het sy besluit om die sluier daaroor te lig. “Die las is te swaar om te dra,” het sy in die onderhoud verduidelik. “Dit gaan nou goed met my; ek voel gemaklik daarmee om my stryd met die steuring te bespreek. Dit kan jou verskriklik afsonder. Maar ek weier om toe te laat dat dit bepaal wie ek is of my beheer,” het sy vertel. Sy is terug in die ateljee en werk aan ’n album wat later vanjaar uitgereik word. Mariah kry terapie en gebruik medikasie vir haar toestand, wat episodes van depressie en hipomanie, oftewel ’n gebrek aan energie, behels. BRONNE: PEOPLE.COM, RADAONLINE.COM, BUZZFEED.COM
‘Die las is te swaar om alleen te dra’