THAISE OONDHOENDER MET NOEDELS
GENOEG VIR 4-6 MENSE Bereiding: 15 min. Gaarmaak: 45-50 min.
1 heel hoender 250 ml (1 k) hoenderaftreksel
SMEERSEL
15 ml (1 e) Thaise rooikerriepasta 30 ml (2 e) mayonnaise 15 ml (1 e) sagte botter
NOEDELS
340 g eiernoedels 15 ml (1 e) olie 1 ui, in skyfies gesny 5 cm vars gemmer, geskil en in vuurhoutjies gesny 2 knoffelhuisies, fyngedruk 2,55 ml (½1 t) brandrissievlokkies 4 stingeluie, gekap ’n hand vol boontjiespruite 125 g peulertjies, in die lengte gehalveer ’n hand vol vars koljanderblare, geskeur ’n skeut lemmetjiesap 100 g grondboontjies of kasjoeneute, grof gekap
Voorverhit die oond tot 190 °C. Hou ’n diep oondpan en ’n vel foelie byderhand.
1 Knip die ruggraat van die hoender uit met ’n vleisskêr. Druk die hoender met die palm van jou hand sodat die borsbeen kraak en die hoender plat is.
2 Giet die hoenderaftreksel in die oondbak. 3 Smeersel Meng alles goed en smeer ruimskoots oral oor die hoender. Sit die hoender in die af treksel met die velkant na bo.
4 Bedek die bak met foelie en rooster 30 min. in die verhitte oond. Haal die foelie af en rooster nog 1520 min. of tot die hoender gaar is.
5 Noedels Maak die noedels gaar volgens die aanwysings op die verpakking. Dreineer goed en hou eenkant.
6 Verhit die olie in ’n diep pan en braai die ui, gemmer en knoffel tot sag en geurig. Plaas die noedels en die res van die bestanddele in die pan en meng goed deur. Braai 1 min. tot die noedels warm is. Haal van die hitte af.
7 Sny die hoender in porsies op en sit voor saammet die noedels.