Honde en suikersiekte
Dis algemener as wat jy dink! Hier is die waarskuwingstekens en wat om te doen as jy dink jou hond ly daaraan
DIT was aan die begin van Desember toe die Huisgenoot- leser Claudia Sherrin ( 35) van Port Shepstone in KwaZuluNatal vir die eerste keer geringe veranderings in haar geliefde 10- jarige mopshond, Zappa, raaksien. “Ek het opgemerk dat hy meer futloos was, veral tydens wandelings. Ons het gedink die stadiger pas was verwant aan sy ouderdom omdat Zappa se algehele gesondheid uitstekend was. Hy het steeds gretig gelyk om te stap en speel, maar het nie veel stamina getoon nie en sy energievlakke was maar laag.”
Sy en haar man het Zappa in Februarie na hul plaaslike veearts vir ’n jaarlikse ondersoek geneem en was geskok toe die veearts ’n swak hartklop opmerk. Hulle is aangeraai om by ’n spesialis aan te klop.
“Ons het Johannesburg toe gery ery om dr. Garry Eckersley, ’n bekende veeartsenykundige spesialis, te gaan aan sien. Binne die eerste vyf minute van die konsultasie het hy volskaalse diabetiese ketoasidose by Zappa gediagnoseer.
“Ons het aanvanklik oorweldig gevoel omdat ons niks van die siekte geweet het nie,” sê Claudia. “Maar gelukkig kon ons onsself daaroor opvoed deur met ander te praat wat ook daardeur is. Ons het ook by ’n Facebookgroep aangesluit genaamd Canine Diabetes Support and Information, wat nuttig was. Ons doelwit is om nie net onsself nie maar ook ander op te voed.”
WAT IS HONDEDIABETES?
Twee soorte diabetes raak honde: Insulien tekort diabetes
S gebeur wanneer die hond se liggaam nie genoeg insulien vervaardig nie omdat die pankreas nie behoorlik werk nie. Dit is die algemeenste soort diabetes onder honde. Insulien weerstandige diabetes S kom voor wanneer wann die pankreas insulien vervaardig, vervaa maar die hond se liggaam gaa dit nie gebruik soos dit moet nie. Dit kom dikwels in ouer, vetsugtige honde voor. Sonder insulien om glukose in die bloedstroom in brandstof te omskep bou hoë glukosevlakke in die bloed op. Dit tree eindelik soos ’n gif op en lei tot veelvoudige orgaanskade.
BEHANDELING
Daaglikse insulien inspuitings is nodig. Jou veearts sal verduidelik hoeveel insulien om te gee en hoe om dit toe te dien. Dit sal afhang van faktore soos die hond se ouderdom en gewig. Vra ook vir jou veearts ’n oefen- en eetplan vir jou hond.