BRAAIRIBBETJIE EN TUISGEBAKTE BROODROLLETJIES
Die ribbetjies word in die oond gaargemaak, maar dit kan ook oor die kole gebraai word. GENOEG VIR 4 MENSE Bereiding: 30 min. Gaarmaak: 20 min. (marinade en sous); 1 uur 15 min. (ribbetjie); 30 min. (rolletjies) MARINADE 1 rooi brandrissie 3 cm-stuk gemmer
wortel, gerasper 2 knoffelhuisies,
fyngedruk 160 ml (²⁄₃ k) appel-
sap 45 ml (3 e) tamatie
sous 15 ml (1 e) Dijon
mosterd 100 ml sojasous 125 ml (½ k) bruin
suiker VLEIS 1,6 kg varkribbetjie sout en peper APPELSOUS 1 blik (385 g) tert
appels 1-2 lemoene se sap
en 1 se skil 15 ml (1 e) suiker na smaak AFRONDING wilderoketblare 1 kg brooddeeg,
in bolletjies gerol
Voorverhit die oond tot 200 ºC.
1 Marinade Meng al die sousbestanddele in ’n kastrolletjie, roer en kook sowat 10 min. tot lekker geurig.
2 Vleis Plaas die ribbetjie in ’n oondbak en giet die marinade oor. Vryf goed in die vleis in. Geur met sout en peper. Bedek met foelie. Oondbak sowat ’n uur of tot die vleis van die been af wegtrek. Verf gereeld met die marinade. Oondbraai nog sowat 15 min. onbedek of tot lekker bruin (dit kan ook oor die kole gebraai word).
3 Appelsous Plaas al die bestanddele in ’n kastrol; kook tot sag en geurig.
4 Braai die broodbolletjies in ’n riffelpan oor matige hitte tot gaar of pak op ’n bakplaat wat goed met meel bestrooi is. Bak 30-40 min. saam met die ribbetjie in die oond. Dis reg as dit hol klink wanneer daarop geklop word. 5 Afronding Sny die ribbetjie in happies en sprinkel roketblare oor. Sit voor saam met sous, broodrolletjies, botter en slaai.