MIELIEPOFFERTJIES MET SPEK EN HEUNING

Mieliepoffertjies is heerlik vir ontbyt, as ’n peuselhappie of selfs as ’n bykos. Of eet dit as ’n ligte Saterdagmaal saam met ’n groot bak slaai. LEWER 12-14 POFFERTJIES Bereiding: 10 min. Staan: 30 min. Bak: 15 min. POFFERTJIES 250 ml (1 k) meel 5 ml (1 t) bakpoeier ’n knippie sout 2 stingeluie, gekap 100 g cheddarkaas,

gerasper 1 eier 125 ml (½ k) melk 1 x 410 g-blik pitmielies,

gedreineer ’n bietjie olie vir braai VIR VOORSIT 200 g repiespek,

brosgebraai heuning ekstra mieliepitte

(opsioneel) vars basilie

1 Poffertjies Meng die meel, bakpoeier, sout, stingeluie en cheddarkaas liggies in ’n mengbak. Maak ’n holte in die middel van die mengsel.

2 Meng die eier, melk en pitmielies in ’n ander mengbak. Giet die mengsel in die middel van die meelmengsel en meng goed. As die beslag te droog is, voeg nog ’n eier of ’n bietjie melk by.

3 Laat staan die beslag minstens 30 min. in die yskas.

4 Verhit ’n bietjie olie in ’n groot, kleefvrye pan. Skep lepels vol van die mengsel in die pan. Die beslag sal loperig wees; hou dus genoeg plek oop tussen die hopies. Braai die poffertjies tot goudbruin aan weerskante. Herhaal met die orige beslag. 5 Vir voorsit Pak die poffertjies op ’n opdienbord, sit die spek bo-op en drup die heuning oor. Garneer met die mieliepitte (indien verkies) en vars basilie. (Blaai om)