MIELIESALSASLAAI
Dis die ideale bykos vir pap en wors of selfs as peuselhappie saam met nacho’s; ’n lekker snoepery vir vegetariërs. GENOEG VIR 4-6 MENSE (AS BYKOS) Bereiding: 10 min. Staan: 30 min. 6 gaar mielies of 2 x 410 g-blikkies pitmielies 1 x 410 g-blik rooi nierboontjies, afgespoel en gedreineer 60 ml (¼ k) gepekelde
jalapeñoskyfies, fyner gekap, of 1 vars jalapeño, fyngekap 1 rooi soetrissie, pitte uitgehaal en in blokkies gesny 1 groen soetrissie, pitte uitgehaal en in blokkies gesny 1 rooi-ui, gekap ’n hand vol koljander
blare, gekap 100-150 g biltongrepies
(opsioneel) 30 ml (2 e) olyfolie suurlemoensap,
na smaak sout en vars gemaalde
peper VIR VOORSIT
nacho’s
1 Sny die mielies van die stronke af (of gebruik die geblikte pitmielies) en skep in ’n mengbak.
2 Voeg die boontjies, jalapeños, soetrissies en rooi-ui by en meng liggies. Moenie te veel roer nie, anders sal die boontjies gekneus raak en pap word.
3 Voeg die koljanderblare, biltong (indien gebruik) en olyfolie by die mieliemengsel. Geur met ’n goeie skeut suurlemoensap en die sout en vars gemaalde peper na smaak.
4 Meng weer liggies en laat staan minstens 30 min. in die yskas.
5 Vir voorsit Sit die slaai voor as ’n salsa saam met nacho’s of as bykos saam met pap en braaivleis.
Hierdie slaai raak ál lekkerder hoe langer dit in die yskas staan – maak dit ’n dag of twee voor die tyd, indien verkies.