Boeke: Misdaad en hofsake vir rilgenot
Misdaad en hofsake vir rilgenot
Deur RUDIE VAN RENSBURG G (Queillerie, R209*)
Die man met Die Drang en die ywerige kettingsaag in Ys is iets allerverskrikliks.
“’n Speurder wat destyds by die Brixtonmoord-en-roofeenheid gewerk het, het vir my gesê al dink ek die gruwelikste moord as skrywer uit, kan hy my verseker daar het al so iets in die regte lewe gebeur,” vertel Rudie van Rensburg. “Dink net aan die gruweldade van die Amerikaanse reeksmoordenaar en kannibaal Jeffrey Dahmer. En hier in ons eie midde kan jy nie veel wreder kry as iemand wat sy gesinslede met ’n byl uitwis nie.”
In Rudie se jongste roman is sy hoofkarakter, kapt. Kassie Kasselman, se enigste plesiertjies steeds seëls versamel en Creme Soda drink – maar dié keer is ’n orige eks by.
“Kassie se persoonlike lewe sal altyd saai wees, want sy posseëlversameling en liefde vir boere- musiek (terwyl hy die een glas Creme Soda ná die ander wegslaan) is sy allesoorheersende passies. Toe sy orige eksvrou dan skielik op die toneel verskyn, versteur dit die rustige ritme van sy Goodwood-woonstelbestaan so erg dat hy dit nie as ’n spoedwal ervaar nie, maar ’n yslike berg. “Dis maar hoe Kassie bedraad b is,” verduidelik v Rudie. “Maar wanneer n hy agter sy lessenaar by die polisiekantoor inskuif, begin sy plesier en kom sy opwindende en onkonvensionele kant na vore – ’n speurder wat nie sake volgens die SAPDhandboek benader nie. Boonop het hy ’n ingebore flair om misdaad uit te snuffel op plekke waar ander speurders nie eens sou dink om te gaan ruik nie. En ondanks sy fasade van onbeholpenheid het hy ’n vlymskerp brein waarteen misdadigers hulle gereeld vasloop.”
Rudie se gunstelingkarakter in Ys is die Pollsmoor-gevangene Frankie Kriel, wat droom van die tweedehandseboekwinkel wat hy en sy vrou gaan begin wanneer hy vrygelaat word.
“Hy was ’n interessante karakter om te skep en het nogal uitdagings aan my gestel.
“Dan was brig. Shaheena Fortuin, Kassie se nuwe hardekwas bevelvoerder, ook ’n gunsteling. Ondanks die trauma in haar lewe is sy geestelik ’n sterk vrou.”