Elton sien Lef weer
Elton John en sy huweliksmaat, David Furnish, is onlangs met ’n spesiale seun herenig tydens ’n reis na die Burrabazar-fees in die Oekraïense hoofstad, Kiëf.
Die 71-jarige superster en sy man van 13 jaar was aangedaan toe hulle die kans kry om uit te vind hoe dit met Lef Agejef (10) gaan. Elton en David (55) het in 2009 probeer om die Oekraïense seun aan te neem, maar die land, wat nie selfdegeslaghuwelike erken nie, het hulle nie as geskikte ouers beskou nie.
Dit het nie die egpaar, wat nou die ouers van Elijah jah (5) en Zachary Za (7) is, gekeer om Lef se goeie feë te wees nie. Die sanger het Lef, sy broer en hul ouma ’n paar jaar gelede na die veiligheid van Lwif help trek toe hul lewe deur konflik in hul geboortestad, Makijifka, bedreig is.