JUL GOEIE WERK SAL BELOON WORD

Ek lees die storie van die sewejarige Siphosethu Ncandana (Dankie, ooms, vir my nuwe bene!, 10 Mei) en my hart klop warm vir Alton Senekal en Lungile Mni wat so baie opgeoffer het om die familie te help. Julle is ware helde.

Wat julle vir die sukkelende ouma en haar drie kleinkinders gedoen het, is werklik merkwaardig. Julle het jul eie tyd en hulpmiddels gebruik om die lewe vir hulle ’n bietjie gemakliker te maak. En dis presies wat elke mens veronderstel is om te doen.

Baie dankie, julle twee. En weet dat julle die Here en sy seun, Jesus Christus, baie gelukkig maak met die goeie werk. Hou aan om goed te doen en jul beloning sal groot wees.