SMS’E

Baie dankie vir die bylae oor prins Harry en Meghan Markle se sprokiestroue

(31 Mei). Dis voorwaar baie interessante foto’s en inligting wat nog lank bespreek en onthou sal word. Ek wens hulle net die allerbeste toe! HELENA, KEMPTON PARK Dis ’n Huisgenoot om te bewaar en ’n voorblad om te raam. Die mooiste foto’s en biskop Michael Curry se klem op die liefde het warmte in die binneste gebring. Beste wense vir die pasgetroudes. Dankie, Huisgenoot! HANNES ENGELBRECHT, BLOEMFONTEIN Hoekom ’n huis naby ’n kerk koop as jy weet kerke het klokke, of dit nou net Sondae lui of nie? Dit is net soos om ’n huis langs die treinspoor te koop en dan te verwag die trein moet ophou loop of die spore herlê word. HANNES Onderwysers is nog trots op hul werk, maar word min betaal en onder administrasie begrawe. Ek was ’n onderwyser, maar doen nou korporatiewe werk. Ek glo onderwysers is die mense wat die hardste werk en minste waardeer word. – ANONIEM