TRADISIONEEL
KAASBURGER MET KAAS-EN-SAMPIOENSOUS
LEWER 4 BURGERS Bereiding: 30 min. Gaarmaak: 15 min. (vleiskoekies); 12 min. (uie); 10-12 min. (sous)
VLEISKOEKIES
750 g beesmaalvleis 1 ui, fyngekap 125 ml (½ k) pietersielie, gekap 5 ml (1 t) mosterdpoeier sout en peper
GEKARAMELLISEERDE UIE
15 ml (1 e) olie 2 rooi-uie, in ringe gesny 30 ml (2 e) balsemieke asyn 15-30 ml (1-2 e) bruinsuiker sout en peper
KAAS-ENSAMPIOENSOUS
botter en olie 1 ui, gekap 125 g bruin sampioene, gekap ’n skeut sjerrie 250 ml (1 k) room 125 ml (½ k) pecorinokaas, gerasper ’n knippie Dijonmosterd sout en peper
AFRONDING
4 burgerrolletjies met sesamsaadjies, gehalveer cosblaarslaai 4 kaasskyfies 4 agurkies, in repies gesny 8 tamatieskywe
Voorverhit die oond tot 200 ˚C.
1 Vleiskoekies Meng al die bestanddele en vorm 4 koekies. Braai in ’n verhitte gietyster-riffelpan tot bruin aan albei kante. Plaas op ’n
bakplaat en oondbraai sowat 10 min. of tot net gaar, maar steeds effens pienk binne.
2 Uie Verhit die olie en braai die uie tot sag. Voeg die asyn en bruinsuiker by en braai tot die suiker effens gekaramelliseer en die asyn byna verdamp het. Geur met sout en peper.
3 Sous Verhit ’n bietjie botter en olie in ’n pan en braai die ui en sampioene daarin tot sag. Voeg ’n skeut sjerrie by en verhit tot die alkohol verdamp. Voeg die room by en verhit tot die sous met die helfte afgekook het. Verwyder van die hitte en roer die kaas en mosterd by tot die kaas gesmelt is. Geur met die sout en peper.
4 Afronding Plaas ’n slaaiblaar op die onderkant van die burgerrolletjie, gevolg deur ’n skyfie kaas, die vleiskoekie, agurkies en tamatieskywe. Skep ’n goeie hopie gekaramelliseerde uie bo-oor en plaas die bokant van die rolletjie boop. Sit voor saam met die kaas-ensampioensous en skoenveteraartappelskyfies.