VLEISLIEFHEBBER
DUBBELDEKKERBURGER MET SPEKVLEIS
LEWER 3 BURGERS
Bereiding: 40 min. Gaarmaak: 20 min.
VLEISKOEKIES
750 g beesmaalvleis 250 g vark- of lamsmaalvleis 1 ui, gekap 180 ml (¾ k) vars pietersielie, gekap 30-45 ml (2-3 e) vars ment, gekap 15 ml (1 e) fyn koljander 2,5 ml (½ t) fyn komyn sout en peper na smaak
BEETTZATZIKI
385 g gerasperde piekelbeet, goed gedreineer 500 ml (2 k) dubbelroomjogurt 30-45 ml (2-3 e) vars ment, gekap 15 ml (1 e) olyfolie 1 knoffelhuisie, fyngedruk sout en peper fyngerasperde skil van 1 suurlemoen
AFRONDING
3 burgerrolletjies 3 blare elk blaarslaai en roket 1 ui, grofgekap en in botter gebraai 6 spekvleisrepies, in ’n pan gebraai of in die oond gebak tot net gaar 1 rolletjie peperroomkaas, in skyfies gesny
Voorverhit die oond tot 200 ˚C.
1 Vleiskoekies Meng al die bestanddele, vorm 6 koekies en braai sowat 10 min. in ’n pan tot bruin aan albei kante. Plaas op ’n bakplaat en oondbraai nog 10 min. of tot net gaar, maar steeds effens pienk binne.
2 Tzatziki Meng al die bestanddele en hou eenkant.
3 Afronding Plaas ’n slaaiblaar op die onderkant van die burgerrolletjie. Plaas ’n vleiskoekie bo-op, skep van die gebraaide uie bo-oor, gevolg deur 2 repies spekvleis. Plaas nog ’n vleiskoekie bo-op. Skep van die beettzatziki bo-oor en rond af met ’n skyfie peperroomkaas en ’n roketblaar. Plaas die bokant van die rolletjie bo-op. 4 Sit voor saam met tempoera-uieringe.