BUITELUGGEESDRIFTIGE
ROOSTERKOEKBURGER
GENOEG VIR 6 MENSE Bereiding: 20-30 min. Rus: 30 min. Gaarmaak: sowat 3045 min. (roosterkoek en hoender)
ROOSTERKOEK
500 g bruismeel 300 ml bier sout na smaak ekstra meel om bo-oor
te stuif
HOENDER
5 ml (1 t) elk knoffel en gemmer, fyngekap 5 ml (1 t) gerookte
paprika 5 ml (1 t) fyn
koljander 300 ml natuurlike jogurt of karringmelk 3 hoenderborsfilette, gehalveer en met jou handpalm platter geklap sout en peper 375 ml (1½ k) growwe witbroodkrummels om in te rol olie vir vlakbraai
KOOLSLAAI
125 ml (½ k) natuur
like jogurt sap en gerasperde skil van 1 suurlemoen 10 ml (2 t) matige geroosterde kerriepoeier of -pasta ¼ wit kopkool,
fyngekap ½ rooi-ui, in ringe
gesny 1 wortel, geskraap en
gerasper 1 piesang, in skyfies
gesny (opsioneel) 50 g sultanas 50 g grondbone
AFRONDING
mayonnaise slaaiblare (opsioneel)
1 Roosterkoek Meng al die bestanddele en vorm 6 roosterkoeke. Stuif met meel en rooster oor matige kole tot gaar en uitgerys en tot dit hol klink wanneer jy daarop klop.
2 Hoender Meng die knoffel, gemmer, paprika en jogurt of karringmelk. Geur die hoenderborsfilette met sout en peper en doop in die jogurtmengsel. Rol in die broodkrummels en laat die hoender 30 min. rus.
3 Verhit ’n bietjie olie in ’n pan en braai die hoenderstukke tot goudbruin aan albei kante en gaar binne, sowat 12-15 min. (Bedek die pan vir die laaste 5 min. sodat dit kan gaar stoombraai.) Dit kan in ’n pan oor die kole of op die stoof gedoen word.
4 Koolslaai Meng die jogurt, suurlemoen en kerrie. Voeg die groente, piesang (indien gebruik),
sultanas en grondbone by en meng deur.
5 Afronding Plaas ’n hoenderfilet op die onderkant van die roosterkoek. Skep mayonnaise bo-oor en skep van die koolslaai bo-op. Garneer met slaaiblare, indien verkies. Bedek met die bokant van die roosterkoek.
6 Sit voor saam met gebakte aartappels en uie. (Sien resep op die bladsy langsaan.)