DROËVRUGTEBROOD MET HEUNINGSPEK
VIR ONTBYT
’n Dun snytjie van dié lekker droëvrugtebrood, gesmeer met ’n bietjie room- en bloukaas saam met geroosterde spek, is iets heerlik anders vir ontbyt.
LEWER 30-40 DUN SNYTJIES BROOD BEREIDING: 20 MIN. BAK: 40-60 MIN.
4 groot eiers 10 ml (2 t) vanieljegeursel 80 ml ( k) bruinsuiker of heuning 180 ml (¾ k) koekmeel 2,5 ml (½ t) sout 1,25 ml (¼ t) bakpoeier 1,25 ml (¼ t) koeksoda 70 g droëappelkose, gekap 50 g bosbessies 50 g droëpere, gekap 50 g korente of sultanas 100 g gemaalde amandels 100 g heel amandels, okker- of pekanneute, gekap 100 g geroosterde sonneblom- of pampoenpitte VIR VOORSIT
roomkaas repiespek met heuning gerooster bloukaas (opsioneel) ’n bietjie heuning vir bedruiping
Voorverhit die oond tot 180 °C. Smeer ’n klein broodpan en voer uit met bakpapier. 1 Klits die eiers, vanieljegeursel en suiker of heuning saam tot lig en dik. 2 Sif die droë bestanddele saam. 3 Meng die vrugte, neute en pitte, en sif ’n bietjie van die meelmengsel oor. 4 Vou die droë bestanddele om die beurt met die vrugtemengsel by die eiermengsel in. Skep in die bereide pan en bak sowat 40-60 min. of tot ’n toetspen net-net skoon uit die middel van die brood kom. Bedek ná 40 min. met tinfoelie om te keer die brood bak te donker. 5 Laat effens in die pan afkoel, keer uit en laat heeltemal afkoel. Draai toe in kleefplastiek om dit behoue te laat bly – vir ’n paar weke in die yskas of drie maande in die vrieskas. 6 Vir voorsit sny die brood in papierdun snytjies, smeer met roomkaas, stapel die spek bo-op en krummel bloukaas oor (indien gebruik). Rond af met ’n paar streepsels heuning.