KITSNEUTE-EN-APPELKOOSKONSERF MET BRIE

NÁ ETE

’n Lekker happie vir ná ete saam met kaas, ’n glasie rosé, port of koffie. GENOEG VIR 10 MENSE AS HAPPIES BEREIDING: 15 MIN. (BROSBROOD), 15 MIN. (KONSERF) GAARMAAK: 12 MIN. (BROSBROOD), 30 MIN. (KONSERF)

KRUIEBROSBROOD 250 g yskoue botter, in stukke gesny 250 ml (1 k) versiersuiker, gesif 500 ml (2 k) koekmeel 80 ml ( k) mielieblom 80 ml ( k) gekapte roosmaryn vars kruietakkies KONSERF 1 kaneelstokkie 1 steranys 4 kardamompeule 500 ml (2 k) water 80 ml ( k) balsemieke asyn 50 g elk sultanas, rosyne en bosbessies 100 g droëappelkose 80 ml ( k) geelsuiker of soos verkies AFRONDING 10 ml (2 t) heuning ’n paar druppels balsemieke asyn 100 g gemengde neute VIR VOORSIT

1 wiel (125 g) briekaas

Verhit die oond tot 180 °C. 1 Brosbrood Plaas al die bestanddele buiten die vars kruietakkies in die voedselverwerker. Verwerk tot die botter goed met die meel gemeng is en ’n bol deeg om die lem vorm. 2 Haal uit die voedselverwerker en vorm die deeg in ’n bal. Draai die deeg in kleefplastiek toe en verkoel 30 min. 3 Pak kruietakkies op ’n plat oppervlak, druk die deeg daarop vas, plaas ’n vel kleefplastiek bo-op en rol die deeg uit tot so 3 mm dik. Druk koekies uit, pak op die bakplaat en bak sowat 8-12 min. by 180 °C tot gaar.

4 Konserf Plaas al die bestanddele in ’n kastrol en kook 20 min. of tot die meeste van die vloeistof weggekook is.

5 Afronding Roer die heuning en balsemieke asyn by die konserf en laat afkoel. Roer die neute deur. 6 Vir voorsit Plaas die brie net voor opdiening 30 sek. in die mikrogolfoond tot effens loperig. Pak dit op ’n bord, skep van die konserf bo-oor en sit voor saam met die kruiebrosbrood.