PERSKEKLAPPERKOEK

IETSIE SAAM MET TEE

Droëperskes is heerlik in dié klapperkoek, wat nie baie suiker inhet nie. Dit bevat ook min meel. LEWER 1 MIDDELSLAGKOEK BEREIDING: 30 MIN. BAK: 35 MIN.

PERSKES 100 g droëperskes, fyner gesny 250 ml (1 k) lemoensap fyngerasperde skil van 1 lemoen 25 ml (5 t) heuning of bruinsuiker KOEK 125 g botter 100 ml bruinsuiker 3 eiers 125 ml (½ k) koekmeel 15 ml (1 e) bakpoeier 2,5 ml (½ t) sout 125 ml (½ k) fyngemaalde amandels 375 ml (1½ k) klapper ’n paar druppels amandelgeursel (opsioneel)

STROOP 45-60 ml (3-4 e) suiker of heuning 180 ml (¾ k) lemoensap 8-10 droëperskes AFRONDING 230 g geroomde maaskaas 30-45 ml (2-3 e) versiersuiker

Voorverhit die oond tot 180 °C. Bespuit ’n 22 cmtuitpan met kossproei en stuif met meel. 1 Kook die perskes, lemoensap en -skil saam met die heuning tot die perskes goed sag maar nie stukkend gekook is nie en die meeste vloeistof byna afgekook is.

2 Koek Klits die botter en suiker saam tot romerig, voeg die eiers by en klits goed. 3 Sif die droë bestanddele saam. Voeg die amandels en klapper by. Meng om die beurt met die perskemengsel by die bottermengsel in. Voeg die amandelgeursel by. Skep in die pan. 4 Bak sowat 35 min. of tot ’n toetspen skoon uit die koek kom.

5 Stroop Laat al die bestanddele 5 min. saam kook. Hou die perskes eenkant en giet die stroop oor die warm koek. Laat in die pan afkoel en keer versigtig uit.

6 Afronding Meng die roomkaas met die versiersuiker. Stapel die perskes bo-op die koek en skep hopies van die roomkaasmengsel bo-oor.