Jannie en sy Melissa-Jo haak af
Jannie Moolman, die sanger met die ‘heel mooiste hart en siel’, en sy Melissa-Jo oor wie se humorsin hy so gaande is, het op ’n pragtige herfsmiddag afgehaak
DIS om van te t sing; i die di soort toneel wat ’ n romantiese siel met ’n groot stem sommer met ’ n aria sou laat lostrek.
Maar toe die pragtige bruid in die paadjie afstap, steek enige geluidjie in haar bruidegom se keel vas. Hy lyk verwonderd, verlief – en oorweldig met vreugde.
Eerder as om daardie groot longe met lug te vul en met ’n lied oor die spesiale oomblik los te trek, steek die bekende tenoor Jannie Moolman (50) sy arm uit en haak dit by dié van Melissa-Jo Sharpe (33) in. Ná agt jaar saam word hulle vandag eindelik een.
Die 130 gaste by die Lace on Timbertrouplek buite Pretoria kyk aangedaan na die twee: Jannie moes kort tevore die trane in toom hou en Melissa-Jo, ’n tandarts, lyk beeldskoon in haar kantskepping met ’ n lae rug deur Lizette Duncan van Bridal Alchemy in Johannesburg.
Die gevolg vorm ’n beskermende kring om die bruidspaar: twee hofknapies, ’n blommemeisie en ses strooimeisies in sagtepienk rokke. Dis ’n intieme oomblik en die liefde in die lug is tasbaar op hierdie pragtige herfsmiddag in Mei.
Drie maande gelede het Jannie vir Huisgenoot vertel hoe hy 22 kg afgeskud het nadat hy jare lank selfbewus was op die verhoog. En vandag, waar die paartjie onder die stylvolle gazebo met wit draperings staan, pluk hy die vrugte van sy nuwe leefstyl en lyk hy tog te deftig in sy blou strepiespak.
“Twee vaar beter as een,” lees ds. Werner Venter van die Hervormde kerk Schoemansdal by Hartbeespoortdam in Noordwes uit Prediker 4:9-12. “Hulle inspanning kom tot iets. As die een val, kan die ander hom ophelp. Maar as een val wat alleen is, is daar niemand om hom op te help nie.”
Dis die paartjie se gunsteling-Bybelverse oor die liefde; spesiaal vir hul groot dag gekies.
Dan, terwyl Jannie en Melissa- Jo glimlaggend hul trouringe aan mekaar se vingers steek, klink ’n helder stemmetjie op en vul die lug met die mooiste lied. Dis Melissa-Jo se agtjarige susterskind, klein Zani Meiring, wat die Britse sanger Calum Scott se treffersnit You Are the Reason sing.
Dié kleinding was verlede jaar ’n top-10-finalis in die VIA-musiekprogram Spoegwolf Soek Nuwe Bloed en volg duidelik in haar nuwe aangetroude oom se spore.
Die gaste, onder wie sangers soos Corlea, die paartjie Ricus Nel en Liza Brönner, en ook Dozi, wat die bruidspaar destyds aan mekaar voorgestel het, juig toe die twee mekaar hul eerste soen as mnr. en mev. Moolman gee. Op Jannie se kop is ’n krans van blare nes dié van sy bruid – ’n lint tussen die twee kranse is daar om “ons as man en vrou te bind”, verduidelik Melissa-Jo later.
Teen die venue se dubbeldeure lok die bruidspaar se voorletters, versier met pienk en wit rose en lisianthusblomme, die gaste na die partytjie. Jannie en Melissa-Jo sny die vierlaagvanieljekoek wat deur Melissa se ma, Hantie, gebak is en poseer dan vir foto’s terwyl die herfsson in skakerings van pienk en oranje in die weste ondergaan.
Die gaste lê weg aan ’n voorgereg van brode, kase, miniburgers en taco’s voor hulle aan die hoofgereg van kortribbetjie en varknek saam met groente en slaaie smul. Vir nagereg is daar heerlike crème
(Blaai om)
brûlée-, peperment- en fudgetertjies wat pragtig in glasbotteltjies verpak is.
Jannie, ’n danser van formaat, stuur Melissa- Jo op die maat van The Righteous Brothers se Unchained Melody oor die dansbaan en daarna val hul vriende in vir ’n gedans tot in die ounag.
In die boma buite sit die ander gaste knus om ’n vuur onder die sterre en gesels.
En so, kuier-kuier met sy stralende, pragtige bruid aan die hand, breek ’n nuwe lewenshoofstuk aan vir een van die gewildste en geliefdste sangers in die land.
TIEN dae later ontmoet ons die pasgetroudes weer by ’n plaasstal op Hartbeespoort. Die twee skop juis hier op Harties nes – die einste plek waar hul paaie destyds die eerste e keer gekruis het toe Dozi hulle aan a mekaar voorstel by een van sy groep g se optredes.
Was dit liefde de met die di ie eerste oogopslag? o “Ja, beslis!” antwoord an ntwoord hulle h tegelyk. Hulle was sedert sederts daardie d eerste ontmoetin ontmoeting ng onafskeidbaar. afsk
“Jannie is so ’n ongelooflike ongeloof flike mens en verdien net et om geluk- gel ukkig te wees,” sê Melissa-Jo. issa-Jo. “Hy’s “Hy’sH die nederigste, ongelooflikste ngelooflik kste mensie met die heel moo mooiste oiste hart en ek sê elke dag vir Lie Liewe ewe Jesus dankie Hy y het so o ’n ’ n
amazing man vir my gestuur.” gestuu ur.” Vir haar is hy soveel veel meer r as net die stem wat bewond bewonde- deraars laat swymel. Tog erken n sy sy het nie ’n gunsteling unsteling g onder sy liedjies nie, want “alles wat Jannie sing, ng, is vir my mooi”.
Dan vertel Jannie nnie met ’n laggie hy het nie op sy troue vir sy bruid gesing nie, want “sy het nie op ons troudag tande reggemaak nie, so ek was nie van plan om op ons troudag te sing nie”. Maar dan erken hy trots hy is ook háár grootste ondersteuner – hy laat haar selfs toe om aan sy tande te werk. “Gelukkig is sy tande tand mooi,” terg Melissa-Jo. Die D sanger sa is duidelik nog smoorverlief sm moor op sy nuwe bruid br ruid en raak liries toe hy oor o or haar ha deugde uitwei. “Ek is smal mal oor haar humorsin. Sy y is opreg o en eerlik. En die feit f dat d sy so verskriklik mooi m is . . .”
‘‘EEk is mal oor haar haa humorsin. Sy is opreg en eerlik. ee En die feit fe dat sy so verskriklik v mooi is’
“Dankie, my love,” antwoord sy vrou. Sy kyk hom diep in sy blou oë. Dan is dit haar beurt vir ’n ode: “Hy het die mooiste hart en siel op aarde. En natuurlik is hy baie aantreklik!”
Hy vertel hoe hy in November verlede jaar op een knie afgesak het om Melissa-Jo die jawoord te vra. Hulle was saam met haar ouers, James en Hantie, op ’n wegbreeknaweek by die privaat wildreservaat Matla Mamba in die hartjie van die Bosveld in Limpopo.
Jannie was die dag tevore lekker senuagtig, sê Melissa-Jo. “Hy was stiller as gewoonlik en ek het gedink iets is fout.”
En hoe het sy op sy groot vraag gereageer? Met ’n laggie erken sy: “Ek was, soos gewoonlik, skaam maar heavy bly!”
Met dié dat Jannie se werkrooster hierdie tyd van die jaar stampvol is met optredes, moet ’n romantiese wittebrood voorlopig eers wag, maar die twee droom daarvan om later vanjaar in Finland vakansie te hou.
“Ons wil gaan wanneer Kersvader daar is,” spot Jannie. “En ons wil die asemrowende noorderligte sien,” droom Melissa-Jo saam.
En kan ons een van die dae verwag om kinderstemmetjies in die Moolmanhuishouding te hoor? “As dit gebeur, gebeur dit,” laat Melissa-Jo hoor. Maar “nie onmiddellik nie”, voeg Jannie by.
Want hul toekomsplanne is eenvoudig: Hulle wil saam reis, die wêreld verken en mekaar elke dag meer en meer liefhê.