Toor met wildsvleis
Geniet heerlike geregte waarin dié vleissoort tot sy geurige reg kom
SPEKGEROLDE RUGSTRING MET MOSTERDKAPOKAARTAPPELS
GENOEG VIR 4 MENSE BEREIDING: 20 MIN. GAARMAAK: 20 MIN. RUS: 10 MIN.
1 x 800 g-stuk wildsrugstring (soos springbok, koedoe of gemsbok) sout en vars gemaalde swartpeper 6 knoffelhuisies, fyngedruk 10 ml (2 t) droë tiemie 200 g repiespek 15 ml (1 e) olie 45 ml (3 e) heuning, verhit tot loperig KAPOKAARTAPPELS 6 aartappels, geskil en gekook 15 ml (1 e) botter 15 ml (1 e) heelkorrelmosterd 5 ml (1 t) Dijonmosterd VIR VOORSIT
takkies vars tiemie
Voorverhit die oond tot 230 °C. Bespuit ’n bakplaat met kossproei. Hou ’n paar tandestokkies byderhand. 1 Klad die rugstring goed droog met kombuispapier en geur oraloor met die sout en vars gemaalde peper. Sprinkel die knoffel en tiemie oor die rugstring. 2 Draai die repiespek om die vleis. Maak seker al die vleis is met die spek bedek en steek dit met die tandestokkies vas indien verkies. 3 Verhit die olie in ’n groot pan en braai die rugstring 5 min. of tot effens bruin om die kante. Draai die vleis gereeld om te verseker dit braai eweredig. 4 Plaas die vleis op die bereide bakplaat en verf die heuning oor. Rooster 12-15 min. in die oond of tot gaar soos verkies. Haal die vleis uit die oond en laat minstens 10 min. rus. 5 Kapokaartappels Druk al die bestanddele fyn en geur met sout na smaak. 6 Vir voorsit Skep die kapokaartappels op ’n opdienbord. Sny die vleis in porsies en pak dit boop die aartappels uit. Bedruip met enige vleissous wat op die bakplaat oorgebly het en garneer met die tiemie. Sit dadelik voor.