JOU STERRE
Vir sterrekaart- en ander astrologienavrae, stuur ’n e-pos na sterreweek@ huisgenoot.com of besoek www.astrozone.co.za.
LEEU
22 JUL – 22 AUG Die gesellige Mercurius betree dié week jou teken. Dit beteken jy behoort heel tuis te voel om sosiaal met ander om te gaan. Selfvertroue en ’n slag met woorde behoort jou nie in die steek te laat nie, of jy nou jou besigheid wil bevorder of die massas wil vermaak. Met dié dat die plesierige Venus ook jou teken deurkruis, is dit ’n ideale tyd om pret saam met jou vriende of familie te hê. GELUKKIGE NOMMERS 36, 19, 41, 4, 2, 10
MAAGD
23 AUG – 22 SEP Onvoorspelbaarheid kan dié week ’n ontwrigtende uitwerking op baie aspekte van jou lewe hê. Dit kan die lewe baie moeilik maak vir ’n nougesette Maagd wat daarvan hou om hul sake agtermekaar te hê. Jy moet dalk onverwagte kuiergaste hanteer of onvoorsiene gebeure verduur wat jou roetine onderbreek. Probeer om saam met die stroom te swem en die opwinding hierin raak te sien. GELUKKKIGE NOMMERS 42, 21, 52, 40, 51, 7
WEEGSKAAL
23 SEP – 22 OKT Dis ’n week om teen veranderings van balans te waak. As jy te veel saam met vriende rinkink, kan jou kontantvloei ’n groot knou kry. As jy te toegeeflik in jou verhoudings is, kan jou behoeftes onbevredig bly. En as jy te ernstig oor werk raak, kan die kind in jou afgeskeep word. Probeer matigheid voor oë hou. Dit is belangrik om balans in alle aspekte van die lewe te handhaaf om ’n tipiese Weegskaal gelukkig en gesond te hou. GELUKKIGE NOMMERS 37, 17, 35, 9, 18, 47
SKERPIOEN
23 OKT – 21 NOV Mercurius, die heer van handel dryf, betree dié week jou beroepshoroskoop. Dit is ’n goeie voorteken as jy graag finansiële doelwitte wil bereik. Span dus jou sin vir finansies in om jou sak te vul, of jy jou inkomste met ’n ekstra werk aanvul of ’n finansiële plan vir jou onderneming opstel. Dit is ook ’n tyd waarin dit in jou loopbaan se guns kan tel om sosiaal met ander te verkeer. GELUKKIGE NOMMERS 50, 27, 16, 33, 45, 22
BOOGSKUTTER
22 NOV – 20 DES Mercurius, die meester van die verstand, betree dié week ’n medevuurteken. Dit is dus ’n goeie week om by filosofiese gesprekke betrokke te raak of jou opvoeding te bevorder. Dit is ook ’n geskikte tyd om met woorde te motiveer en inspireer, of dit in jou daaglikse fisieke interaksie met ander is of deur sosialemediaverbintenisse. GELUKKIGE NOMMERS 34, 29, 20, 52, 15, 31
STEENBOK
21 DES – 20 JAN Dit is ’n week om versigtig met jou kontant om te gaan, veral as jy glo geld laat die wêreld draai. Met dié dat die haastige Mars agteruit deur jou finansiële horoskoop beweeg, kan selfs ’n verantwoordelike Steenbok in die strik van impulsiewe besteding trap. Probeer dus jou uitgawes inkort en fokus op beleggings wat ’n goeie opbrengs op jou geld waarborg. GELUKKIGE NOMMERS 11, 8, 18, 10, 24, 51
WATERDRAER
21 JAN – 18 FEB Mars, die planeet van dryfkrag, reis nou in trurat deur jou teken, en dit kan gevolge inhou. Jy voel dalk futloos, wat ’n aanduiding kan wees dit is tyd om liggaamlik of geestelik die pas te verslap. Doen ’n opname van jou aktiwiteite om te bepaal waaraan jy jou energie bestee. Jy wil dalk jou program aanpas om vir kalmerende praktyke soos joga plek te maak. GELUKKIGE NOMMERS 44, 48, 50, 12, 20, 26
VISSE
19 FEB – 20 MRT Dis ’n week vir ontspanning; jy wil dalk werk op die agtergrond skuif en tyd af vat. Hoekom kuier jy nie saam met jou vriende, bestee tyd aan jou gunstelingstokperdjie of verwyl die ure deur te dagdroom nie? Kinders kan ook goeie geselskap wees. Sluit die jongspan by van jou planne in; dit kan ’n vrolike luim skep en eindelik tot jou lewensgenot bydra. GELUKKIGE NOMMERS 5, 1, 46, 29, 25, 6
RAM
21 MRT – 19 APR Mercurius, die meester van die verstand, betree dié week ’n medevuurteken, wat dit ’n goeie tyd maak om jou denke in te span. Of jy nou klasse bywoon of ’n aanlyn kursus volg – kry daardie grysstof aan die werk. Dis ook ’n tyd waarin jy verstandelike stimulasie sal verwelkom; dus net nog ’n rede om jou energie daaraan te wy om oor nuwe dinge te leer. GELUKKIGE NOMMERS 32, 7, 30, 50, 48, 38
BUL
20 APR – 20 MEI Dis tyd vir teruggee. As jy hou van die leefstyl wat jou gemeenskap bied, wil jy dalk ’n bydrae maak. Of jy geld aan ’n gemeenskapsprojek skenk of aanbied om by ’n geldinsamelingsgeleentheid te help, jou steun sal waardeer word. As jy ’n tipiese natuurliefhebber-Bul is, kan jy jou praktiese hulp by die openbare tuin of ’n plaaslike natuurreservaat aanbied. GELUKKIGE NOMMERS 1, 2, 39, 28, 23, 3
TWEELING
21 MEI – 20 JUN Dié week kan verstandelike stimulasie jou onderkry; daarom moet jy waak teen ’n vinnige pas. Te veel feite en syfers kan jou verstand vol maak en ’n warboel van onderwerpe kan jou geestelik uitput. Om kalm te bly, wil jy dalk begin mediteer of asemhalingsoefeninge doen. Dit is dalk ’n goeie idee om jou af tyd van die sosiale media te gun. GELUKKIGE NOMMERS 14, 43, 51, 30, 52, 49