TUNA-EN-ERTJIEFRITTATA

Frittata is smullekker, vullend en gaan jou nie ’n hoop geld kos om te berei nie. Probeer gerus dié tunaweergawe. GENOEG VIR 4-6 MENSE BEREIDING: 20 MIN. GAARMAAK: 30-35 MIN. FRITTATA 250 ml (1 k) bevrore ertjies 2 x 170 g-blikkies tuna, gedreineer 60 ml (¼ k) mayonnaise 15 ml (1 e) grasuie, gekap 2 knoffelhuisies, fyngedruk sout en vars gemaalde peper 6 aartappels, gekook tot net gaar en in skywe gesny 1 ui, in wiele gesny 125 ml (½ k) cheddarkaas, gerasper (opsioneel) k – koppie(s) e – eetlepel(s) EIERVLA 4 eiers, geklits 250 ml (1 k) melk sout en vars gemaalde peper na smaak

Voorverhit die oond tot 180 °C. Bespuit ’n middelslagoondbak met kossproei.

1 Frittata Giet kookwater oor die ertjies en laat 10 min. staan. Dreineer en hou eenkant. 2 Plaas die tuna, mayonnaise, grasuie en knoffel in ’n mengbak en meng goed. Geur met die sout t – teelepel(s) en vars gemaalde peper. 3 Pak ’n laag aartappel en ui onderin die bak. Smeer van die tunamengsel oor en sprinkel die helfte van die ertjies oor. Herhaal die lae en eindig met ’n laag ertjies. Sprinkel die kaas bo-oor indien gebruik.

4 Eiervla Klits al die bestanddele goed saam en geur met die sout en vars gemaalde peper. Giet die vla oor die frittata en bak 30-35 min. of tot die eiervla gestol is. Sit voor saam met ’n krakerige groenslaai, indien verkies.