SARDYNSAMOESAS
Dié samoesas word gebak en nie diepgebraai nie, wat dit baie gesonder maak. Veral die pitmielies is heerlik saam met die vis in die kerrievulsel.
LEWER 12 SAMOESAS BEREIDING: 30 MIN. BAK: 10 MIN. VULSEL olie 1 ui, fyngekap 2 knoffelhuisies, fyngedruk 5 ml (1 t) elk blaarmasala en geroosterde masala 2,5 ml (½ t) elk fyn komyn en koljander 15 ml (1 e) tamatiepasta ’n groot hand vol koljanderen mentblare, gekap 1 x 400 g-blik maalvis of sardyne 250 ml (1 k) pitmielies sout en peper na smaak SAMOESAS 8 velle filodeeg botter, gesmelt
JOGURTSOUS
mentblare, gekap natuurlike dubbelroomjogurt brandrissiesous
Voorverhit die oond tot 180 ˚C.
1 Vulsel Verhit die olie en braai die ui en knoffel tot sag. Voeg die masalas en speserye by en meng deur. 2 Roer die tamatiepasta en kruie by. Dreineer die vis goed, indien nodig, en voeg by die tamatiemengsel. Meng tot goed fyn. Voeg die pitmielies by en geur met die sout en peper. 3 Samoesas Plak 2 velle filodeeg op mekaar met die gesmelte botter. Sny elke pakkie in 4 repe. 4 Plaas ’n skeppie vulsel aan die onderste dun punt van die reep filodeeg, vou die end om en begin dan oorvou tot ’n driehoekpakkie gevorm is. Plak die punt weer vas aan die pakkie met ’n bietjie gesmelte botter. 5 Smeer elke samoesa met gesmelte botter, pak op ’n bakplaat en bak sowat 10 min. tot goudbruin. 6 Jogurtsous Meng al die bestanddele. 7 Vir voorsit Sit die samoesas voor saam met die jogurtsous.