ROMERIGE TAMATIESEEKOSSOP
Die Maters van Toeka sit die sop voor saam met byterige garnale en varsgebakte brood. GENOEG VIR 4-6 MENSE Bereiding: 20 min. Gaarmaak: 30 min. SEEKOSSOP
60 ml (¼ k) olyfolie 2 groot uie, fyngekap 2 knoffelhuisies, fyngekap 200 ml water visafsnysels (vel, kop en grate van koningklip) 150 g konfyttamaties, in blokkies gesny visspeserye swartpeper 1 vars brandrissie, gekap of droë brand rissievlokkies sout 250 g koningklip, in 2,5 cm-blokkies gesny 60 ml (¼ k) koekmeel 200 g swartmossels met skulp 150 g swartmossels sonder skulp 250 ml (1 k) room GARNALE MET BYT 110 g botter 2 knoffelhuisies, fyngekap 800 g garnale, behou die dop en kop vars brandrissie, gekap of droë brand rissievlokkies visspeserye swartpeper sap en gerasperde skil van 1 groot lemmetjie
1 Seekossop Verhit die helfte van die olie in ’n platboompot en braai die uie en knoffel. 2 Voeg die water en die visafsnysels (vel, kop en grate) by en laat 8 min. prut. Giet die mengsel deur ’n sif om al die grate en vel te verwyder. 3 Giet die aftreksel terug in die potjie en voeg die tamaties, speserye, peper en brandrissie by en laat prut. Geur met die sout. 4 Rol die visstukkies in die meel. Verhit die res van die olie in ’n aparte pan en braai die vis tot net goudbruin, maar nie gaar nie. 5 Voeg die gebraaide vis en mossels by die aftreksel en laat 5 min. prut. Roer die room by, verwyder die potjie van die kole en laat prut tot gaar. 6 Garnale met byt Verhit die botter in ’n gietysterpan tot ligbruin. 7 Voeg die knoffel en garnale by en roerbraai 1 min. 8 Voeg die rissie, speserye en peper by en roerbraai tot die garnale pienk is. Skep die garnale uit en bedruip met die lemmetjiesap en -skil.