KÖNIGSBERGER KLOPSE

Dit is frikkadelle wat in ’n aftreksel gaargemaak en met ’n fluweelsagte witsous afgerond word. GENOEG VIR 6 MENSE Bereiding: 30 min. Verkoel: 30 min. Gaarmaak: 45 min. FRIKKADELLE

2 snye brood

125 ml (½ k) melk

500 g maer beesmaalvleis

250 g varkmaalvleis

1 ui, gerasper

2 eiers

5 ml (1 t) gemengde droë kruie

2 ansjovisfilette, fyngekap (opsioneel)

5 ml (1 t) sterk mosterd

2,5 ml (½ t) witpeper

1 ml (¼ t) fyn neutmuskaat sout en vars gemaalde peper AFTREKSEL

500 ml (2 k) beesvleisaftreksel

60 ml (¼ k) witwynasyn

3 lourierblare

1 ui, in stukke gesny

2 naeltjies

4 takkies tiemie SOUS

100 g botter 60 ml (¼ k) meel

1 x 250 g roomkaas

125 ml (½ k) melk

15 ml (1 e) kappertjiesade

15 ml (1 e) groen peperkorrels

15 ml (1 e) suurlemoensap ’n knippie neutmuskaat

VIR AFRONDING

ekstra kappertjiesade ’n paar takkies pietersielie 1 Frikkadelle Plaas die brood in ’n bakkie en giet

die melk oor. Meng goed en voeg saam met die res van die bestanddele in ’n groot mengbak. Meng en geur met die sout en peper. Vorm gholfbalgrootte-balletjies en pak op ’n bord. Bedek en verkoel minstens 30 min. in die yskas.

2 Aftreksel Plaas intussen al die bestanddele vir die aftreksel saam in ’n diep pan. Verhit tot kookpunt. Verlaag die temperatuur sodat die aftreksel prut. 3 Laat die frikkadelle in sarsies 10-15 min. liggies in die aftreksel prut. Draai die frikkadelle halfpad versigtig om. Haal die gaar frikkadelle uit en pak in ’n bak. 4 Plaas ’n sif oor ’n bak en giet die aftreksel daardeur. Gooi die oorblyfsels in die sif weg, maar behou die aftreksel.

5 Sous Smelt die botter in ’n kastrol en voeg die meel by. Meng goed en giet bietjies-bietjies 250 ml (1 k) van die orige aftreksel by. Roer aanhoudend. Voeg die roomkaas en melk by en roer tot glad en verdik. Meng die res van die bestanddele by en geur met die sout. Giet die sous oor die frikkadelle 6 Vir afronding Garneer met die ekstra kappertjiesade en pietersielie.