SCHWEINEBRATEN MET AARTAPPELSLAAI

Dié varkbraad sit ons voor saam met tradisionele Duitse aartappelslaai. GENOEG VIR 6 MENSE Bereiding: 20 min. Gaarmaak: sowat 1 uur 45 min. VARK

1-2 kg varklies, met vel maar sonder been sout en witpeper

10 ml (2 t) sterk mosterd

1 ui, in kwarte gesny

2 appels, in stukke gesny

¼ kopkool, in dik skywe gesny

2 lourierblare ’n hand vol tiemie

1 x 340 ml-bottel bier

250 ml (1 k) hoenderaftreksel growwe sout na smaak

AARTAPPELSLAAI

30 ml (2 e) olyfolie 100 g spek, grofgekap 6 knoffelhuisies, fyngedruk 60 ml (¼ k) appelasyn 15 ml (1 e) suiker ’n hand vol vars pietersielie 1 kg baba-aartappels, gekook en gehalveer Voorverhit die oond tot 170 °C.

1 Vark Geur die vark aan die vleiskant met die sout en peper en smeer met die mosterd. 2 Pak die ui, appels, kopkool, lourierblare en tiemie in ’n diep oondbak. Plaas die vark met die vleiskant na onder bo-op die groentemengsel. Giet die bier en aftreksel in

die bak. Sprinkel die growwe sout bo-oor die vel en rooster 1 uur 30 min. 3 Verhoog die temperatuur tot 230 °C en rooster nog 15 min. of tot die vel goudbruin is. 4 Laat die vleis 10 min. rus en sny dan in dik skywe.

5 Aartappelslaai Verhit die olie in ’n pan en braai die spek tot bros. Voeg die knoffel by en braai 1 min. Haal die pan van die hitte af en voeg die asyn en suiker by. Meng goed. 6 Meng die pietersielie en aartappels liggies en giet die sous oor. Meng en geur met ’n bietjie sout indien nodig. Sit die slaai voor saam met die vark.