DOEN DIT SELF
Hier’s die ideale geskenk vir ’n jong meisie wat die eerste keer op haar eie gaan woon. Dit is die basiese gereedskap wat ’n mens nodig het vir DDS-takies
Basiese toerusting vir selfdoen42 selfdoen
1 Winkelhaak R55, Timbercity Dit is nuttig wanneer jy hout uitmerk vir saag en word gebruik om hoeke van 90° af te meet.
2 Maatband R21,73, Osman’s Of jy mate neem vir gordyne of rame hang, ’n intrekbare maatband is onontbeerlik.
3 Waterpas (300 mm) R39,99, Pick n Pay Maak seker die rakkie wat jy in die badkamer opsit, is nie skeef nie.
4 Knyptang R60,96, Build It Met ’n langbekknyptang kan ’n mens die omhulsel van die drade afstroop wanneer jy ’n kragprop aansit.
5 Potlode R11,50 (vir 12), Osman’s Kry potlode wat donker skryf om te merk waar jy wil kap, saag of boor.
6 Klouhamer R49,94, Build It Kies ’n hamer wat gemaklik in jou hand voel, maar swaar genoeg is vir basiese tuisherstelwerk.
7 Bosch 46-stuk boorpunt-enskroewedraaierstel R299, Makro
’n Magnetiese skroewedraaierstel het omruilbare koppe om by verskillende take te pas.
8 Nutsmes R23,04, Osman’s Sny plastiek of harde karton met netjiese, skoon rande en skraap gom met dié mes af.
9 Ryobi- 18V-boor R599, Makro Die boor is lig, het genoeg krag vir die meeste tuisprojekte en is ideaal vir ’n beginner.
10 Handsaag R69, Timbercity Die saag is perfek vir klein takies, soos takke snoei of om hout vir ’n tuisprojek te saag.
11 Verstelbare moersleutel deur Pride R69,56, Osman’s Dit word gebruik om moere en boute mee vas te draai, soos wanneer ’n mens byvoorbeeld ’n lekkende kraan moet regmaak.
12 Sesstuk- skroewedraaierstel, R109, Pick n Pay Jy sal skroewedraaiers in verskillende vorms en groottes nodig hê; koop dus ’n verskeidenheid daarvan.
13 Koplamp R30,43, Osman’s ’n Koplamp kom nuttig te pas wanneer jy in swak lig moet werk. ’n Flits werk ook goed, maar ’n koplamp sal jou hande vry hou sodat jy die werk kan doen .