JOU STERRE
MAAGD
23 AUG – 22 SEP Met dié dat Venus, die planeet van die liefde en verhoudings, deur jou teken beweeg, behoort jy heel op jou gemak in jou geliefde se geselskap te voel. Dit is dus ’n goeie week om saam pret te hê. ’n Haakplek kan in die tweede helfte van die week opduik. Jou maat is moontlik net ’n bietjie te vaag vir ’n Maagd wat wil weet presies wat aangaan. GELUKKIGE NOMMERS 52, 26, 19, 50, 7, 20
WEEGSKAAL
23 SEP – 22 OKT As jy ’n tipiese Weegskaal is, is dit vir jou ’n prioriteit om tyd saam met jou maat deur te bring. Maar dis ’n week om by groepe en organisasies in jou gemeenskap betrokke te raak. Jy wil dalk by ’n boekklub of die plaaslike sportklub aansluit, ’n studiegroep begin of groepe van eendersdenkendes verken. Hy of sy kan steeds jou topprioriteit wees, maar jy kort sosiale interaksie. GELUKKIGE NOMMERS 37, 35, 3, 34, 33, 12
SKERPIOEN
23 OKT – 21 NOV Die Son beweeg jou beroepshoroskoop binne en laat die kollig op jou uiterlike wêreld val. Spits jou dus vandeesweek toe op jou loopbaan en aansien. Of jy nou ’n werkdoelwit wil bereik, ’n magtige posisie in die samelewing wil bekom of jou beroepsprofiel wil opbou, die tyd is geleë om die suksesleer te klim. Selfeheersing en -dissipline – ’n tipiese Skerpioen se sterk punte – sal nuttig wees, veral om versoekings te weerstaan. GELUKKIGE NOMMERS 40, 7, 51, 2, 31, 18
BOOGSKUTTER
22 NOV – 20 DES Die Son gaan vandeesweek ’n medevuurteken binne en dit behoort jou die selfvertroue te gee om jou kreatiewe kant uit te druk. Die tyd is reg om enige sluimerende kunstalente te ontwikkel as jy reeds ’n kreatiewe rigting volg. Dis ook ’n goeie tyd om jou werk uit te stal of jou vaardigheid verder te voer. Jy kan ook uitsien na ’n tydperk van optimisme. GELUKKIGE NOMMERS 32, 23, 10, 34, 6, 45
STEENBOK
21 DES – 20 JAN As versigtige Steenbok is jy waarskynlik ’n verantwoordelike mens, ook wat die besteding van jou swaarverdiende geld betref. Dis ’n week waarin onverwagte gebeure en uitgawes jou sak kan ruk. Of dit nou finansiering is vir ’n kind se skoolprojek, vir ’n skielike sakereis of vir ’n belangrike toestel wat vervang moet word, geld gaan uitvloei. GELUKKIGE NOMMERS 4, 49, 1, 13, 27, 47
WATERDRAER
21 JAN – 18 FEB Die Son beweeg jou liefdeshoroskoop binne en verskuif die klem na sake van die hart. As iemand jou hartsnare roer, is dit die regte tyd om die moed bymekaar te skraap om hom/haar op ’n afspraak uit te vra. Selfs al is jy ’n koel Waterdraer wat nie jou diepste gevoelens wys nie, is geen mens ’n eiland nie. Dis ook ’n goeie tyd vir pret saam met jou maat. GELUKKIGE NOMMERS 20, 12, 45, 33, 47, 14
VISSE
19 FEB – 20 MRT Die tweede helfte van die week kan betowerende ervarings inhou. Of jy nou deur ’n sonsondergang of die glimlag van jou geliefde meegevoer raak of in dagdrome of ’n boeiende fliek verdiep word, jy kan in ’n droomwêreld wees. Ongelukkig kan jy die teiken word vir mense wat jou sensitiwiteit en medelye uitbuit. Kies jou geselskap intuïtief. GELUKKIGE NOMMERS 41, 44, 28, 52, 15, 39
RAM
21 MRT – 19 APR Die Son betree ’n medevuurteken en dit kan jou lewenslus en selfvertroue aanhelp. As jy in ’n sportgeleentheid wil meeding, hom/haar op ’n afspraak wil vra of met ’n werkprojek wil vorder, behoort jy die moed te hê om dit te doen. Weens jou vurigheid is daar die gevaar van haastige besluite en kwetsende woorde. Probeer dit vermy. GELUKKIGE NOMMERS 43, 46, 24, 50, 8, 10
BUL
20 APR – 20 MEI Die klem verskuif vandeesweek na die gesinslewe, wat dit ’n tyd maak om aan jou geliefdes aandag te gee. As ’n Bul is jy waarskynlik hul rots en die een op wie hulle kan reken. Dis ’n kans om verlore gehaltetyd saam met jou mense in te haal – inderdaad ’n goeie week om ’n uitstappie te reël, speletjies te speel en saam aan die etenstafel te kuier . GELUKKIGE NOMMERS 40, 29, 51, 36, 48, 16
TWEELING
21 MEI – 20 JUN Die pas versnel – net reg vir ’n Tweeling wat daarvan hou om aan die gang te wees. Danksy al die geleenthede in jou buurt kan jy uitsien na ’n interessante week. Terwyl daar aktiwiteite sal wees om te geniet en pret om aan deel te neem, wil jy dit dalk oorweeg om ’n bydrae te lewer. Reël ’n geldinsamelingsprojek of help by ’n liefdadigheidsorganisasie. GELUKKIGE NOMMERS 30, 5, 11, 25, 46, 28
KREEF
21 JUN – 21 JUL Die Son gaan jou finansiële horoskoop binne; verskuif dus jou aandag na geldsake. Dit is ’n goeie week om ’n begroting saam te stel, beleggingsgeleenthede te ondersoek of ’n spaarrekening te open. Sit die gewoonte stop om troosgoed te koop en bedwing die Kreefkenmerk van versamel en opgaar; dit kan wonders vir jou kontantvloei doen. GELUKKIGE NOMMERS 21, 38, 51, 17, 5, 32