Mia van der Merwe
nie aan haar nuwe roem Dié jong aktrise is nog haar belowende toekoms gewoond nie, maar met gewoond moet raak sal sy vinnig daaraan
FYNSKRIF-AKTRISE SKRIF- AKTRISE
Mia van der Merwe (17) is te sien in Fynskrif, ’n nuwe kykNET-dramareeks wat handel oor die wel en wee van ’n regsfirma. Neels van Jaarsveld, CrystalDonna Roberts en Beer Adriaanse is van die groot name wat te sien is in dié reeks van 13 episodes wat ’n blik werp op regsake en die gepaardgaande intrige en emosie.
EEN OM DOP TE HOU
Dié tiener, tans ’n gr. 11-leerder aan die Hoërskool Parel Vallei op Somerset-Wes, is die nuwe, talentvolle gesig om voor uit te kyk. Sy vertolk die rol van Bella van Wyk, wat Mia as “snaaks, vreemd, vol liefde en hoogs intelligent” beskryf. “Ek het so lief geraak vir Bella en veral die mooi en sterk verhouding wat sy met haar gesin het. Ek kan nie wag dat die kykers haar leer ken nie.” Bella is baie soos sy, wat dit vir haar maklik gemaak het om die karakter te speel, sê Mia. Maar daar is een ding wat hulle glad nie gemeen het nie – en dis die kleredrag. “Ek trek glad nie soos Bella aan nie, maar ons twee sou beslis vriendinne gewees het.”
TIENERJA
Mia M beskryf haarself as ’n borrelende en nederige meisie. Haar tienerjare het haar geleer ge om altyd 100% in haarself te glo en haarself ontsettend lief te hê. “Jou tienerjare is ’n baie awkward tyd in jou lewe, so dis belangrik om te leer om nuwe vorms van jouself te aanvaar aanvaa en lief te hê.” Sy glo ook daar moet ’n balans tussen skoolwerk en ’n sosiale lewe wees.
GROOT GRO DROME EN ROLLE
Maak g gereed om haar nog lank op die kassie te sien, want td dié ywerige jong aktrise beplan om ná skool haar graad in drama te voltooi. Sy droom om eendag, of dalk sommer binnekort, ’n groot rol in ’n fliek los te slaan. In 2016 was sy in die kortfilm Die Ruimte tussen Niks. Sy het later ’n rol in die tweede seisoen van Die Boekklub vertolk. Haar eerste rol op die kassie was in die kykNET-sepie Suidooster, waarin sy die rol van Emma vertolk het.
ROEM EN PANTOFFELS
Maar vir eers is roem ’n nuutjie vir Mia. Sy word op straat as die aktrise van die televisie herken en moet bieg dat dit vir haar baie vreemd is. “Dit voel nog baie snaaks, maar ek geniet mense en om nuwe mense te leer ken.” Sy bloos nog vreeslik wanneer mense haar agtuur die aand by Checkers voorkeer om ’n foto te neem terwyl sy in haar onesie en pantoffels is, lag sy. Ja, sy erken nou sy sal so ’n bietjie meer moeite met haar uitrustings moet doen wanneer sy deesdae in die openbaar is.
Pretfeite oor Mia
Ek sing gereeld gereeld. Ek is ongelooflik lief vir kuns. My gunstelingvakke is musiek en drama. Ek is gek oor katte. Sonneblomme maak my baie gelukkig. My gunstelingkleure is swart en geel. Ek sing elke dag dieselfde liedjie – I See Fire, deur Ed Sheeran. En ek weet nie hoekom nie.
My luitoon is Let’s Get It on deur Marvin Gaye, want dit maak my lag en dan is ek in ’n goeie bui as ek die foon beantwoord.
Ek kan nie net een episode van ’n reeks kyk nie.