Sexy president steel sokkerkollig
Die 50-jarige president Kolinda het die kollig gesteel met die sokkertoernooi
DIS nie aldag dat ons hier aan die suidpunt van Afrika oor dié piepklein Europese land praat nie. Maar deesdae is Kroasië op almal se lippe. Hoekom? Wel, dalk omdat die 4,28 miljoen inwoners van die land as die grootste wyndrinknasie op aarde gereken word. En beslis omdat sy sokkerspan teen alle verwagtinge in hul pad tot in die eindstryd van die 2018-Wêreldbeker oopgeveg het. Hulle is dalk nie ná die eindstryd teen Frankryk met die wentrofee huis toe nie, maar dis veral die manewales van ’n sexy, sokkermal Kroatiese ma van twee wat die internet aan die gons het.
Haar naam is Kolinda Grabar-Kitarović, sy is 50 jaar oud en die president van Kroasië – en boonop haar nasionale span se grootste rasieleier.
Die blonde Kolinda het die kollig gesteel tydens Kroasië se kwarteindwedstryd teen die gasheerland, Rusland. Vanuit die BBP-losie by die Fisjt-stadion in Sotsji het sy haar landgenote geesdriftig aangemoedig, uitgevat in die kleu- re van die Kroatiese vlag.
Sy het baldadig gesing, gejuig en gedans tydens haar span se oorwinning oor die Russe met vier strafdoele teen drie. Langs haar het Rusland se eerste minister, Dmitri Medwedef, maar bra bekaf gelyk.
Ná die wenstrafdoel het Kolinda stralend geglimlag, na die Kroatiese kleedkamer afgesit en die moeë, halfnaakte spelers omhels. Die langste drukkie was vir hul kaptein, Luka Modrić.
Ná die eindstryd het sy weer die kollig gesteel toe sy tydens die oorhandiging van die Wêreldbekertrofee glimlaggend in die gietende reën langs die Franse president, Emmanuel Macron, staan en elke sokkerspeler van die Franse wenspan en haar bekaf landgenote, wat die naaswenners was, met ’n stywe druk omhels.
Sedertdien gons dit oor dié “sexyste president” ter wêreld.
Mense laat in die sosiale media hoor hulle wil kwansuis Kroasië toe trek “om meer van haar te sien”, en een Twittergebruiker wou weet waar die Kroatiese ambassade in sy land is sodat hy terstond om ’n visum kan aansoek doen.
Die aanvallige president met haar bor- relende persoonlikheid het ’n vreemde uitwerking op mans. In 2015 het die Čičak menseregteaktivis Ivan se broek selfs tot by sy enkels geval terwyl hy vir ’n kiekie met Kolinda poseer het nadat dié ’n prys aan hom oorhandig het.
Wie is dié pragtige slim staatshoof wat nou die wêreld se verbeelding aangryp?
Haar pad na die presidentshuis
Kolinda is op 19 Februarie 2015 op 46 as die jongste president van Kroasië beëdig. Sy vertel graag sy is net ’n plattelandse meisie. Volgens haar is sy een van min staatshoofde wat ’n koei kan melk.
“My ma is my heldin,” het sy al vertel. “Sy is die een wat ambisie in my gekweek het.”
En ambisie het dié skrander dogter van pa Branko en ma Dubravka Grabar beslis.
Sy is op die dorpie Grobnikin in die Kroatiese deel van Joego-Slawië gebore. Sy het ’n deel van haar kinderjare in Amerika deurgebring en die Hoërskool Los Alamos bygewoon. Dié skool is bekend vir die goeie wetenskaplikes wat dit lewer, maar sover bekend is sy die eerste president uit hul geledere.
Kolinda het sosiale wetenskappe, En-
gels, Spaans, letterkunde en internasionale betrekkinge studeer – en dit by eliteuniversiteite soos Harvard.
Sy was ook al die assistent-sekretarisgeneraal van die Noord-Atlantiese Verdragsorganisasie (Navo) – die eerste vrou in dié pos – en ’n voormalige Kroatiese ambassadeur in Amerika. Sy was ook van 2005 tot ’08 Kroasië se minister van buitelandse en Europese sake.
Sy praat vlot Kroaties, Engels, Spaans en Portugees en verstaan Italiaans, Duits en Frans. Praat van ’n slimkop.
Kolinda, is dit jy?
Dis nie die eerste keer dat die lieflike Kolinda in die nuus is en internetgebruikers op hol het nie. In die verlede is sy al met ’n rondborstige model en ook ’n porno-ster verwar.
In 2016 het die monde oopgehang oor foto’s van “Kolinda” waar sy in ’n skrapse bikini soos ’n wafferse Baywatch-aktrise op die strand paradeer. Selfs hier in Suid-Afrika het die media uitgebasuin hoe Kolinda met haar sexy bikini-kiekies “die internet breek”.
Maar dit was toe al die tyd net haar dubbelganger, die Amerikaanse model Coco Austin (39), wat met die musikant Ice-T (60) getroud is. Die foto’s is in 2009 geneem terwyl die paartjie in Miami met vakansie was.
Kort nadat Kolinda in 2015 tot president verkies is, was “sy” op die voorblad van die Serwiese poniekoerant Informer. Dié koerant het foto’s van ’n skrapsgeklede, goedbedeelde blondine gepubliseer – glo Kolinda wat in ’n porno-fliek speel. ‘Kolinda in seksaksie,’ het die opskrif gelui.
Verskeie webtuistes het gou bevestig dis nie regtig Kolinda nie, maar eintlik die Amerikaanse porno-ster Diamond Foxxx, wat vyf jaar jonger as Kolinda is.
Sokkermal
Kolinda se aandag was oënskynlik nie by die werk nie toe sy net ure voor haar landgenote Engeland in die halfeindstryd gepak het by ’n Navo-beraad in Brussels was. Sy het toe Kroasië-sokkertruie aan die deelnemende staatshoofde gegee – onder andere Amerika se president, Donald Trump. Dié het langs haar poseer met ’n skewe glimlag.
Vir die Britse eerste minister, Theresa May, wie se land Kroasië in die halfeindstryd getakel het, het sy ’n Kroasiësokkertrui gegee met haar naam agterop. Maar Theresa sal dit waarskynlik nooit dra nie; Kroasië het die Engelse span immers kort daarna geklop . . .
Kolinda is blykbaar baie toeganklik. Sy het sokkergeesdriftiges uitgeboul toe hulle haar op ’n vlug na Sotsji in Rusland raakloop om haar land se sokkerspan te gaan ondersteun – en dit terwyl sy ekonomiese klas vlieg. Die president het selfs met die passasiers vir ’n selfie poseer.
Mode-ikoon
Kolinda is nie net ’n politikus en sportliefhebber nie; haar modieuse klerekas haal ook gereeld die nuus. En sy’s nie skaam om haar kurwes te wys nie.
Modekenners het haar al gekap omdat haar uitrustings gsg heeltemal te styf om haar kurwes es s span en sy vals wimpers dra. Maar aara dié kritiek skeel haar min.
“Dit is sekondêre goed.g goed. Voorkoms is belangrik, maar maarm pleks van jou haarstyl t tyl onthou, sal mense altyd y yd die glimlag onthou u waarmee jy deure e oopmaak,” het sy al op p ’n keer vertel.
Gesin en politieke rooikaarte
Kolinda is al 22 jaar getroud met Jakov Kitarović (49), ’n sekuriteitskonsultant by een van Kroasië se grootste vervaardigers van onderdele vir motors. Hulle is die ouers van Katarina (17), ’n junior Kroatiese figuurskaatskampioen, en Luka (15). Kolinda, ’n toegewyde Rooms-Katoliek, is ook al by skandes betrek. Terwyl sy in 2010 in Washington gewerk het, het haar man die ambassade se voertuig vir privaat doeleindes gebruik. Toe dit aan die lig kom, moes sy vir dié ongemagtigde gebruik van die motor betaal. Sy’t ook die tonge laat klap toe sy in 2017 gekiek is waar sy glo vir Trump ogies maak tydens haar besoek aan die VSA. Sy het met “verleidelike oë” na die president gekyk, het plaaslike media toe berig. Haar presidentsveldtog is destyds gefinansier deur Zdravko Mamić (59), ’n voormalige sportagent en voortvlugtige, het die Britse poniekoerant The Sun berig. Hy het in Junie vanjaar – net voor hy ses jaar tronkstraf vir bedrog opgelê is – na Bosnië gevlug. Zdravko het ook vir Kolinda se 47ste verjaardagpartytjie opgedok, het die Express-koerant in Kroasië berig. In November 2016 het Kolinda mense ontstel toe sy tydens haar besoek aan Kanada met ’n vlag poseer waarop die ou wapen van Kroasië se voormalige Ustaša-bewind vertoon is. Onder dié regime is Serwiërs en Jode vervolg en vermoor. Haar woordvoerder het ná die vlagherrie gesê daar was “niks twyfelagtigs” aan die foto nie. Sedertdien skryf die poniepers en die politieke koerante ewe graag oor dié pragtige president. BRONNE: THESUN.CO.UK, DAILYMAIL. CO.UK, THENEWSNIGERIA.COM.NG, STANDARDMEDIA.CO.KE, DAILYSTAR. CO.UK, MIRROR.CO.UK, SCROLL.IN