GEGEURDE GEROOSTERDE BEET
Eet verskillende sprinkels of geurmiddels by geroosterde beet vir ekstra lekkerte.
GENOEG VIR 6 MENSE (AS BYKOS) Bereiding: 15-20 min. Gaarmaak: 1 uur 8 bete, skoongeskrop 30 ml (2 e) olyfolie UIEBOLAAG 15 ml (1 e) olyfolie 2 uie, in skyfies gesny 4 knoffelhuisies, fyngedruk sout en peper 60 ml (¼ k) natuurlike volroomjogurt 2,5 ml (½ t) fyn komyn ’n hand vol vars koljanderblare DUKKAH-EN-BILTONG 30 ml (2 e) sesamsaadjies 15 ml (1 e) koljandersaadjies 5 ml (1 t) komynsaadjies 50 g gesoute grondboontjies, grofgekap 100 g biltongskyfies 60 ml (¼ k) roomkaas LEMOENBOTTER fyngerasperde skil van 1 groot lemoen 50 g botter, by kamertemperatuur ’n hand vol pietersielie en/ of koljanderblare Verhit die oond tot 180 °C. Hou tinfoelie byderhand. 1 Steek gaatjies in die bete met ’n vurk. Pak ’n beet op ’n stukkie tinfoelie en drup van die olyfolie oor. Vou die tinfoelie stewig om die beet toe. Herhaal met die res van die beet. Pak al die beet op ’n bakplaat en rooster 1 uur of tot sag. Sny die beet oop en skep een van die volgende bo-op:
2 Uiebolaag Verhit die olie in ’n pan en braai die uie tot sag. Voeg die knoffel by en roerbraai nog 1 min. Geur met die sout en peper en sprinkel oor die beet. Meng die jogurt, komyn en koljander en skep ’n bietjie op elke beet. 3 Dukkah-en-biltong Rooster die sesam-, koljander- en komynsaadjies in ’n droë pan tot die kleur effens verander. Stamp die saadjies met ’n stamper in ’n vysel en meng die grondboontjies deur. Sprinkel die mengsel bo-oor. Pak van die biltong bo-op en rond af met die roomkaas .
4 Lemoenbotter Meng alles goed en skep op die warm beet. S