MEXIKAANSE RAFELVLEIS
Moenie net varkboud vir Kersfees gaarmaak nie. Dis die ekonomiesste snit en ’n mens kan soveel daarmee doen. Ons kook rafelvleis wat heerlik is in tortillas, taco’s, burrito’s en selfs in slaai.
SNIT: VARKBOUD
GENOEG VIR 10 MENSE Bereiding: 20 min. Gaarmaak: 3 uur SPESERYSMEER 45 ml (3 e) olyfolie 30 ml (2 e) tamatiepasta 15 ml (1 e) sojasous 60 ml (¼ k) bruinsuiker 15 ml (1 e) fyn komyn 10 ml (2 t) droë origanum 10 ml (2 t) sout 5 ml (1 t) elk brandrissie, knoffel- en uiepoeier 2,5 ml (½ t) elk paprika en peper VARK 15 ml (1 e) olyfolie 1 ui, gekap 3 knoffelhuisies, fyngedruk 3 kg varkboud, oortollige vet en swoerd afgesny brandrissie 2 lourierblare 60 ml (¼ k) lemoensap 30 ml (2 e) lemmetjiesap ’n bietjie bruinsuiker AFRONDING
125 ml (½ k) gekapte koljanderblare 1 klein rooi-ui, gekap 1-2 jalapeño-brandrissies, ontpit en gekap
VIR VOORSIT 10 meeltortillas
GUACAMOLE 1 avokado, fyngemaak ’n halwe klein ui, fyngekap suurlemoensap na smaak AVOKADOSALSA 1 avokado, in blokkies gesny suurlemoensap 1 klein rooi-ui, fyngekap 60 ml (¼ k) heel pitmielies 4-6 kersietamaties, in stukke gesny ’n hand vol koljanderblare, gekap
1 Speserysmeer Meng al die bestanddele vir die speserysmeer en smeer die varkboud goed daarmee in.
2 Vark Verhit die olie in ’n groot plat gietysterpot en braai die ui en knoffel daarin tot sag. Voeg die vleis by en braai tot bruin buite-om. 3 Voeg die brandrissie, lourierblare, lemoen- en lemmetjiesap by. Voeg sowat 500 ml water by, bring tot kookpunt, verlaag die hitte, bedek en laat prut sowat 3 uur tot die vleis van die been af val. 4 Plaas die vleis op ’n plank en trek die vleis in rafels met twee vurke. 5 Voorverhit die oond tot 200 °C. Pak die vleis op ’n uitgevoerde bakplaat, giet van die pansappe oor, sprinkel ’n bietjie bruinsuiker oor en oondbraai 15 min. tot effens bros. 6 Afronding Meng al die bestanddele by die vleis in. 7 Vir voorsit Verhit die tortillas in ’n pan tot sag. 8 Guacamole Meng al die bestanddele. 9 Avokadosalsa Meng al die bestanddele. Smeer van die guacamole oor die tortilla, pak van die vleis bo-op en skep van die salsa oor. Rol op en geniet. (Blaai om)