Glenn Close lewer ’n kragtoer in The Wife
Drama. Met Glenn G CClose, Jonathan Pryce en CChristian Slater. Regisseur: Björn Runge. 16 DSG. Begin op 24 Augustus.
Waaroor gaan dit?
Die befaamde skrywer Joe Castleman (Pryce) word na Swede genooi om met ’n Nobelprys vir letterkunde vereer te word. Sy vrou, Joan (Close), is op die oog af net so verheug oor haar man se prestasie en besef skynbaar dit sal vir hulle albei die kroon span op ’n leeftyd se harde werk. As toegewyde vrou het sy ’n sleutelrol in haar man se lewe as suksesvolle skrywer gespeel. Sy’t immers 40 jaar lank haar eie drome en ambisies opgeoffer om haar charismatiese man by te staan – en dit terwyl sy oog bly dwaal het. Maar agter die skerms is Joan naby aan breekpunt.
Is dit goed?
Die rolprent, wat op die Amerikaanse skrywer Meg Wolitzer se gelyknamige boek gegrond is, bied ’n kykie in die rol wat ’n vrou in ’n man se lewe we kan speel.
Joan vertolk ’n ondersteunende nende rol vir haar man, maar in werklikheid draai die fliek om haar. Close se toneelspel is puik, in so ’n mate dat daar gegis word sy kan eindelik haar eerste Oscar wen, en kykers sal beslis aanklank by haar karakter vind. Dit is die wisselwerking tussen die karakters wat die storie interessant hou.
In terugflitse sien kykers hoe Joan en Joe ontmoet het en word dit gou duidelik sy het ook ’n blink toekoms as skrywer gehad. “Daar is niks ergers as ’n skrywer wie se gevoelens seergemaak is nie,” merk ’n karakter op.
Dié stelling weergalm deur die fliek en kykers moet uitpluis watter een van die skrywers se gevoelens in watter deel van hul lewe gekwets is. En natuurlik hoeveel skade werklik berokken is.