DIE AVBOB POËSIEPROJEK
‘N HULDEBLYK AAN DIE DIGTERS – EN MENSE – VAN SUID-AFRIKA
gepubliseer word. ‘n Kontantprys van R10 000, plus ‘n boekprys van R2 500, is toegeken aan die topgedig in elke taalkategorie tydens ‘n glansgeleentheid in Junie 2018. ‘n Gedrukte bloemlesing bestaande uit 100 gedigte is saamgestel uit die webwerfinskrywings, insluitend gedigte wat Suid-Afrika se topdigters in opdrag van AVBOB geskryf het. Die 100ste gedig is in die Khoisan-taal, N|uu, in die woorde van Ouma Katriena Esau – een van die laaste vier oorlewende sprekers van hierdie dialek. Die inspirasie vir die AVBOB Poësiekompetisie het gespruit uit mense se onvermoë om hul emosies rondom die verlies van ‘n geliefde te verwoord. Een van roubeklaers se eerste versoeke aan AVBOB is trouens vir hulp met die skryf van ‘n begrafnisbrief. Poësie bied die volmaakte manier om verlies uit te druk, en die Poësiekompetisie is nóg ‘n bewys van AVBOB se toewyding aan alle Suid-Afrikaners. AVBOB was nog altyd standvastig en terselfdertyd visionêr. Ons staan by ons beginsels en beloftes, maar ons staan nie stil nie. Ons hou tred met die tyd – soveel so dat ons allerweë beskou word as ‘n model vir transformasie. In 2017 het AVBOB verskeie toekennings in die Ask Africa Icon Brands, Kasi Brands en Sunday Times Top Brands Awards ingepalm, en ook ons SuidAfrikaanse sertifisering as Top Employer van die globale Top Employers Institute ontvang. AVBOB is ook deur die publikasie Impumelelo Top Empowerment as een van Suid-Afrika se topgetransformeerde ondernemings aangewys en as ‘n Vlak 2 SEBbydraer gesertifiseer. Hierdie toekennings is nóg ‘n sprekende bewys van AVBOB se volgehoue strewe na transformasie en uitmuntende gehalte op elke vlak.