DONKER DONKERSJOKOLADE-YSKASKAASKOEK

LEWER EEN GROOT KAASKOEK BEREIDING: 20 MIN. STOL: 4 UUR 200 g hoëveselbeskuitjies ( digestive biscuits) 80 g botter, gesmelt 5 gelatienvelle of 10 ml (2 t) gelatienpoeier 375 g roomkaas 1 vanieljepeul, pitjies uitgeskraap, of 5 ml (1 t) vanielje-ekstrak 125 ml (½ k) strooisuiker 100 g donkersjokolade, in stukkies gebreek 50 g melksjokolade, in stukkies gebreek 25 ml (5 t) kookwater 500 ml (2 k) room AFRONDING vars of bevrore bessies en granaatpitte versiersuiker en mentblare (opsioneel) Smeer ’n 20 cmlosboomkoekpan. 1 Maak die beskuitjies fyn en meng met die gesmelte botter. Druk vas op die bodem van die koekpan. 2 Week die gelatienvelle in yskoue water tot sag. (Andersins, sprinkel gelatienpoeier oor 30 ml (2 e) koue water en laat staan om te spons.) 3 Klits die roomkaas en vanieljepitjies of -ekstrak saam met die suiker tot glad. 4 Smelt die sjokolade in ’n glasbak in die mikrogolfoond of oor ’n kastrol met kookwater. Roer elke 40 sekondes tot glad. 5 Haal die sagte gelatienvelle uit die water en voeg saam met die kookwater by die sjokolade. Meng tot die gelatien heeltemal opgelos het in die sjokolade. (As jy gelatienpoeier gebruik, verhit sowat 30-40 sekondes in die mikrogolfoond tot gesmelt; dit moenie kook nie. Roer ’n bietjie van die sjokolademengsel by die gesmelte gelatien en voeg alles by die orige sjokolade.) 6 Meng die roomkaasmengsel by die sjokolademengsel in. 7 Klits die room en vou in. 8 Giet bo-op die beskuitjies en maak die bokant glad. Laat stol minstens 4 uur in die yskas. 9 Hoe om te ontvorm: Druk ’n paletmes in warm water en trek al om die rand van die koek sodat die gestolde kaaskoek om die rand kan loskom. Haal die ring van die losboompan versigtig af.

10 Afronding Plaas op ’n opdienbord en sprinkel die bessies en granaatpitte oor. Rond af met versiersuiker en mentblare indien verkies.