HOEKOM VERHOOG VERSEKERING METTERTYD?
Versekering kan om ’n aantal redes mettertyd verhoog: Inflasie beïnvloed jou premies. Die aantal eise wat jy indien, is ook ’n faktor. As jy dikwels eis, sal die versekeraar jou as ’n hoër risiko beskou en jou premie verhoog. Wat motors betref: Al verminder die motor se waarde, verhoog die prys van motoronderdele, verf en arbeid, wat die herstel van motors mettertyd duurder maak en dus ’n verhoging in premies verg. Jou risikofaktore kan ook mettertyd verander. So kan waar jy werk of woon jou premie ook beïnvloed.