BOER SOEK ’N VROU
Ek is 38 jaar oud, was nog nooit in ’n verhouding nie en het nie kinders nie. Ek gaan nie baie uit nie, maar soek ’n meisie of vrou wat saam met my op my plaas wil bly. Ek is ernstig hieroor en nie ’n poetsbakker nie. Het jy asseblief vir my raad?
Ben, Polokwane
’n Mens bou oor tyd aan ’n verhouding en maak ’n verbintenis tot mekaar as toekoms- en verhoudings- doelwitte in plek is – en wedersydse respek betoon is. Liefde is nie ’n een-twee-drie-blokmyself-speletjie soos wat kinders speel nie, maar wel ’n avontuurlike ontdekking van ’n sielsgenoot terwyl aan ’n verbintenis gewerk word.
Begin deur eers net vriende te word – nie aanlyn of deur die sosiale media nie. Die versoekings aldaar is te kompleks vir mense wat nog nooit in ’n verhouding was nie. Daar is geen kitsoplossings om ’n verhouding in plek te stel en te handhaaf nie. Dis harde, aanhoudende werk.