Sally onthul seksuele misbruik as kind

Met die skryf van haar lewensverhaal, In Pieces, het Sally Field nou behoorlik die sluier gelig. Die 71-jarige aktrise maak ’n aantal persoonlike onthullings, onder meer dat haar bekende stiefpa haar as kind seksueel mishandel het. Volgens Sally het Jock Mahoney, wat getroud was met haar ma, die aktrise Margaret Field, haar dikwels alleen na sy slaapkamer “ontbied” en dan seksueel misbruik. Dit het aangehou tot sy 14 jaar oud was. “Dit sou soveel makliker gewees het as ek net een ding gevoel het – as Jocko nét wreed en skrikwekkend was. Maar hy was nie. Hy kon ook sjarmant wees,” sê sy oor die Tarzan Goes to India-akteur.

Eers dekades later het sy haar oorlede ma, wat ’n stryd teen kanker gevoer het, van die misbruik vertel.

Sally beweer haar verhouding van vyf jaar met haar Smokey and the Banditmedester Burt Reynolds was op vele maniere ’n poging om die letsels weens die mishandeling te genees.

“Ek moes op die een of ander manier iets probeer uitdryf wat móés uit,” verduidelik sy.

Al erken sy haar ontboeseming “sou hom seergemaak het”, vind sy vertroosting daarin dat Burt, wat vroeër vandeesmaand oorlede is, nooit die kans gekry het om haar bekentenis te lees nie.

Sally Field se mama,m ma, die aktrise Margargaret Field, het in n 1952 met die waaghals en akkteur Jock Mahooney getrou. Hulle ulle is s in 1968 geskei. i.