VERGELYK ‘APPELS MET APPELS’ WANNEER JY VERSEKERING KOOP

Baie mense dink alle versekering is dieselfde; daarom vergelyk hulle dit bloot op grond van prys. Maar baie voordele is dalk by polisse ingesluit of nie; en elke voordeel kan verskillende perke hê. Daarom is dit belangrik om “appels met appels” te vergelyk. Vergelyk eers wát gedek word, en vergelyk dan die perke op die dekking. Byvoorbeeld: In die geval van ’n huis, kyk of daar weerligdekking is, en as daar is, kyk of daar ’n perk is op hoeveel dekking die versekeraar vir die voorval verskaf. Onthou om altyd jou polisdokumente te lees om behoorlik te verstaan waarvoor jy betaal.