EERLIKHEID IS DIE BESTE BELEID

Dit is belangrik dat jy al jou versekeraar se vrae eerlik en akkuraat beantwoord. Versekeraars beoordeel jou risiko grootliks op grond van die antwoorde wat jy op die risikovrae verskaf wanneer jy versekering uitneem. (Maar dit is aan die verander, want daar is bronne van inligting waarin die versekeringsbedryf kan delf om van jou antwoorde te bevestig.) Indien jou antwoorde nie vooraf geverifieer is nie, sal dit geverifieer word wanneer jy ’n eis indien. As die versekeraar uitvind jy het vals inligting verskaf, kan jou eis geweier of net gedeeltelik uitbetaal word.