LOOP VIR HOOP!
Depressie is ’n siekte, nie ’n swakheid nie
VOLGENS die Wêreldgesondheidsorganisasie (WGO) se jongste verslag oor depressie het dié siekte die afgelope 10 jaar met 18,4% toegeneem en is dit wêreldwyd die grootste enkele oorsaak van ongeskiktheid vir werk. Teen 2020 sal depressie die wêreld se naasgrootste siekte wees, en teen 2030 die grootste.
Die goeie nuus is: Depressie is behandelbaar. Hoe gouer jy die simptome herken en hulp soek, hoe gouer kan jy dit met die hulp van terapie en medikasie bestuur. Volgens ’n Suid-Afrikaanse studie neem mense gemiddeld 18 dae per jaar siekteverlof weens depressie.
Wys jy gee om: Loop vir hoop om bewusmaking rondom depressie te kweek en breek die stilte en stigma rondom depressie en ander psigiese siektes. Saam met die Hope Hike is daar vir bergfietsryers ’n heerlike gesinsvriendelike Hope Bike.
Oktober is die WGO se bewusmakingsmaand vir psigiese gesondheid. Die Hope Hike en Hope Bike is jou kans om ’n boodskap van hoop te versprei. Wees deur Oktober ’n ambassadeur van hoop en dra ’n “hemelsblou vir hoop”-strikkie vir bewusmaking. En kom stap – of trap – vir bewusmaking en dra iets blous om te wys jy’s ’n ambassadeur vir hoop.
WANNEER ENWAAR EN WAAR
Sondag 14 Oktober, Blaauwklippen, Stellenbosch Sondag 28 Oktober, Van Gaalens, Skeerpoort Hope Hike: 10 km (R80), 5 km (R60) of 3 km (R40). Kinders onder 12 (3 of 5 km) R30. Hope Bike: 25 km (R100). Gaan na entryninja.com en klik op die Hope Hike/Hope Bike-logo.
WEGSPRINGTYE GSPRINGTYE
Hopee Bike:Bike: 25 25km– km – 07:45 Hope Hike: 10 km – 08:00; 5 km – 08:30; 3 km – 08:40 Registrasie op die dag begin om 06:45. Jou inskrywingsgeld is ten bate van die depressienavorsingsfonds van die Ithemba-stigting (’n onderneming sonder winsoogmerk, registrasienommer 2012/171250/08; Ithemba beteken hoop).