Kate maak self kinders groot – en sy weet wat sy doen
Anders as ander koninklikes maak Kate self haar kinders groot – en sy is omtrent behendig!
SY WOON in ’n paleis waar lakeie en diensmeisies na haar behoeftes omsien, maar die hertogin van Cambridge ambridge is ook die ma van an drie kinders onder vyf. En n nes ander ma’s kry ry sy met woedeuitbarstings, kosfiemies en slapelose nagte te doen. Anders as talle alle ander koninklike ma’s verkies Kate om self haar kinders ders groot te maak en hulle le nie na die kinderkamer mer te verban waar die goewernante surrorogaatma speel nie. e.
Sy volg beslis nie in die voetspore van koningin Elizabeth, eth, haar man se ouma, nie. Dié het op ’n keer toe oe sy ná ’n vyf maande e lange toer terugkeer haar vyfjarige Charles en driejarige Anne met die hand gegroet.
Kate wil haar ar en prins Wil liam m se spruite, George (5), Charlotte (4) en die vyf maande oue Louis, sélf grootmaak.
EERS KLEINGOED, DAN KAMERAS
“Elke keer wanneer ’n mens Kate saam met haar kinders sien, si is dit duidelik hulle is i haar prioriteit,” sê die Amerikaanse lyftaalkenner lyftaalk Patti Wood. Selfs wanneer wannee duisende toeskouers toesko haar naam uit uitskree en fotograwe mekaar verdring verdrin om haar af te neem, neem kan niks haar aandag aanda van haar kinders aflei nie. n “Pleks van aan d die kameras en joernaliste joern aandag gee, dra Kate die boodskap aan haar kinders oor dat die oomblik meer oor die gesin gaan as oor enigiets anders,” verduidelik Patti. “Dis ’n manier waarop sy dit vir hulle ’n oomblik maak om te onthou ondanks die prag en praal.”
Kate het vroeër vanjaar by die jaarlikse vaandelparade haar superma-reflekse gewys toe sy Charlotte in haar arms opraap toe die kleintjie haar kop teen die balkonreling kap; nog voor sy self besef het sy het seergekry.
“Dit is asof sy heeltyd hul emosionele temperatuur meet om seker te maak hulle is oukei,” sê Blanca Cobb, nog ’n Amerikaanse lyftaalkenner.
OP KNIEHOOGTE
As een van die senior koninklikes hoef sy nie voor baie mense te buig nie, maar sy kniel sonder om ’n oog te knip voor haar en ander mense se kinders.
Dis een van haar ouerskapsgeheime, om af te sak sodat sy op ooghoogte met haar kinders kan praat, selfs al het sy ’n noupassende romp aan. Sy is blykbaar ’n voorstander daarvan om “aktief te luister” en gebruik die tegniek ook op haar koninklike rondes tot groot plesier van die klein mensies wat haar ontmoet.
Volgens kenners help dit om sterk verhoudings te bou en laat dit kinders verstaan dat na hulle geluister word.
DIE KALMEERDER VAN WOEDEUITBARSTINGS
Kate bly onversteur in die openbaar, al raak George dikmond omdat hy vir ’n foto moet poseer of kry sy sussie ’n woedeuitbarsting voor die wêreld se kameras.
Toe Charlotte verlede jaar tydens die koninklike besoek aan die Airbusaanleg in Duitsland haar op die aanloopbaan neergooi omdat sy nie haar sin kon kry y nie, het Kate haar slag gewys sonder om ’n oorbel te verloor. Sy het dadelik afgebuk, na iets gewys om haar woedende dogtertjie se aandag af te lei en haar toe in haar arms opgetel.
Maar sy kan ook baie streng wees. Toe George verlede jaar op haar suster, Pippa, se troue begin huil, het sy hom met een vinger gewys “dis nou genoeg, boeta”. En dit was dit.
BUITE SPEEL
In Junie is foto’s geneem waar sy by ’n polowedstryd saam met haar twee oudstes speel en plat op die gras by hulle sit. Sy het in ’n ope brief tydens Kinderhospiesweek geskryf hoe sy eenvoudige gesinsoomblikke geniet, soos om buite saam met haar kinders te speel.
PASSIE VIR HUL PASSIES
Die sportiewe Kate moedig haar kinders aan om aktief te wees. George stel blykbaar in rugby en skermkuns belang. Sy moedig Charlotte aan om perdrylesse te neem, al is sy nie self ’n ruiter nie.
HULP VAN BUITE
Kate het soveel van die boek The Modern Mother’s Handbook: How to Raise a Happy, Healthy, Smart, Disciplined and Interesting Child, Starting from Birth gehou dat sy die skrywer in ’n brief gelukgewens het. Die skrywer, wat die naam A Modern Old-Fashioned Mom gebruik, het gesê: “Die hertogin is ’n buitengewone ma, want sy is modern én outyds. Ek bewonder haar dat sy dit so maklik laat lyk, al woon sy in ’n visbak.”
GESONDE GEES
Kate, wat die Heads Together-veldtog vir beter geestesgesondheid saam met prins William en prins Harry begin het, praat dikwels openlik oor jong mense se geestesgesondheid.
“Ons moedig George en Charlotte aan om oor hul gevoelens te praat en wil hulle die gereedskap en sensitiwiteit gee om hul maats te steun wanneer hulle groter is.”
GOED VOORBEREID
Kate sorg dat sy voorbereid is wanneer sy haar kinders op troues moet stil hou of op lang vlugte moet vermaak. By die polowedstryd in Junie was haar sak blykbaar propvol speelgoed en later is George gesien waar hy met ’n speelgoedgeweertjie rondloop.
Die Cambridge-ouers is nie gekant teen skermvermaak op lang vlugte om hul kinders besig te hou nie. Volgens pa a William is George se gunstelingreekse wat hy graag op ’n iPad kyk Peppa Pig en Fireman Sam.
BAIE DRUKKIES
Wanneer Kate in die openbaar is, het sy y dikwels een van haar drie op die arm, selfs al dra sy die dag hemelhoë hakke. By die Juniepolowedstryd was dit mooi om te sien hoe sy gedurig aan haar kinders raak, en in ’n stadium het sy haar arms om albei geslaan en hulle teen haar vasgetrek.
BAK EN BROU
Toe sy in Augustus 2016 op die dorp Luton met ’n groep tieners praat wat besig was om sjokoladekoekies te bak, het sy vertel hoe dit tuis by haar gaan. “Wanneer ek dit saam met George probeer doen, is dit net sjokolade en gouestroop waar jy kyk. Dis ’n chaos.”
Sy doen ook graag handwerk saam met die twee oudstes. William het verlede jaar aan Radio 1 vertel George en Charlotte het handgemaakte geskenkies vir hul ouma Elizabeth, “Gan-Gan”, vir haar 91ste verjaardag gegee.
GESINSWAARDES G
“My “M ouers het my geleer hoe belangrik vriendelikheid, vr respek en eerlikheid is,” het he sy in Februarie 2017 tydens ’n besoek so aan ’n laerskool aan die leerders gesê. ge “Dit is hoekom ek en William ook vir vi ons kinders wil leer hoe belangrik dit is. is Dit is net so belangrik soos om in sport sp of wiskunde uit te blink.”
SKOOLSAKE SK
“Sy wil hê haar kinders moet dieselfde sk skoolervaring as sy beleef,” vertel iema mand in die binnekring. Dit is een van die redes waarom sy so gereeld as wat sy kan die kinders self skool toe neem. Sy het die tradisie verbreek deur George in ’n gemengde skool te sit, anders as sy pa en ooms, wat na streng seunskole is.
SY’S BESKERMEND
Kate en William het onlangs ’n heining van 12 m hoog voor die Kensingtonpaleis laat bou sodat die kinders in vrede buite kan speel sonder dat agies hulle afloer. Sy neem self die kinders op belangrike geleenthede af en verskaf die foto’s dan aan die media, in ruil daarvoor dat hulle nie skelm afgeneem word nie.
BRONNE: EXPRESS.CO.UK, PEOPLE.COM, DAILYMAIL.CO.UK, HELLOMAGAZINE.COM, ABCNEWS, HARPERSBAZAAR.COM, THISINSIDER.COM, GOODHOUSEKEEPING.COM