GROENTEKOEK

’n Pronkstuk wat die mense sal laat praat.

LEWER 1 MIDDELSLAGKOEK BEREIDING: 20 MIN. BAK: 25-30 MIN.

KOEK 200-250 ml geelsuiker 80 ml ( k) olie 2 groot eiers 200 g koekmeel 5 ml (1 t) koeksoda 5 ml (1 t) fyn gemmer 5 ml (1 t) fyn kaneel 2,5 ml (½ t) sout 250 g vars beet, geskil en fyngerasper 1 middelslagpynappel, geskil en fyngerasper 50 g fyn amandels 100 g gemengde neute, grofgekap 180 ml (¾ k) klapper 15 ml (1 e) suurlemoenskil, fyngerasper 5 ml (1 t) suurlemoentiemieblaartjies, fyngekap 5 ml (1 t) roosmaryntakkies, fyngekap VERSIERSEL 230 g geroomde maaskaas 60 ml (¼ k) versiersuiker AFRONDING 1 of 2 koolblare ’n paar jong wortels met lowwe ’n paar rou bete, skoongeskrop en gehalveer ’n paar vars radyse ’n hand vol vars suurlemoentiemie en aarbeiblommetjies

pistachioneute versiersuiker

Voorverhit die oond tot 180 °C. Bespuit ’n 23 cmlosboomkoekpan en voer dit uit met bakpapier. Bespuit weer en stuif met koekmeel.

1 Koek Klits die suiker, olie en eiers saam. 2 Sif die droë bestanddele saam. 3 Meng die beet en pynappel by die eiermengsel in. Voeg die droë bestanddele by en vou in. Vou die amandels, neute, klapper, suurlemoenskil en kruie in. 4 Skep die beslag in die pan en bak sowat 25-30 min. of tot ’n toetspen skoon uit die middel kom. Keer op ’n draadrakkie uit en laat heeltemal afkoel.

5 Versiersel Meng die maaskaas en versiersuiker tot glad en smeer oor die bokant van die koek.

6 Afronding Plaas die koolblare op ’n bord en sit die koek binne-in. Versier met die wortels, bete en radyse en stapel die tiemie en aarbeiblommetjies bo-op. Besprinkel met die pistachioneute en sif die versiersuiker bo-oor die koek.