GESKROEIDE CALAMARI MET KOOLROERBRAAI
Bevrore calamaristeaks is maklik verkrygbaar in die meeste groot supermarkte en is nie so duur soos calamari-ringetjies of -tentakels nie.
GENOEG VIR 4 MENSE BEREIDING: 20 MIN. GAARMAAK: 30 MIN.
4-6 calamaristeaks 30 ml (2 e) heuning 15 ml (1 e) sojasous 1 knoffelhuisie, fyngedruk 8 kort kebabstokkies ROERBRAAI 30 ml (2 e) olie 2 uie, in skyfies gesny 5 cm-stuk gemmer, in stokkies gesny 2 knoffelhuisies, fyngedruk 2 brandrissies, gekap 1 x 300 g-pak wortel-enkoolmengsel 15 ml (1 e) appelasyn 125 ml (½ k) grondboontjies ’n hand vol koljanderblare, gekap sout na smaak
1 Sny ’n diamantpatroon op die calamaristeaks sonder om regdeur te sny. Sny die steaks in blokke. 2 Meng die heuning, sojasous en knoffel en giet oor die calamari. Meng
goed en verseker dat die calamari oraloor met die sous bedek is. 3 Ryg die calamari aan die kebabstokkies en braai in ’n riffelpan tot gaar en effens geskroei. Die calamari is gaar wanneer dit nie meer glaserig in die middel is nie, maar wit regdeur.
4 Roerbraai Verhit die olie in ’n groot pan en braai die uie tot sag. Voeg die gemmer, knoffel en brandrissies by en roerbraai tot geurig. 5 Voeg die wortel-en-koolmengsel by en roerbraai tot gaar, maar nog effens bros. 6 Voeg die asyn en grondboontjies by en roerbraai nog 5 min. Roer die koljanderblare by en geur met die sout na smaak. Sit die roerbraai voor saam met die calamarikebabs. (Blaai om)