KNOFFELMOSSELS MET KRUIESPRINKEL

Ons rond eenvoudige knoffelgebraaide mossels met ’n kruie-en-sonneblompitsprinkel af vir ’n neutegeur en ekstra smaak. GENOEG VIR 4 MENSE BEREIDING: 15 MIN. GAARMAAK: 20 MIN. MOSSELS 30 ml (2 e) olyfolie 1 ui, gekap 6 knoffelhuisies, fyngedruk 2,5 ml (½ t) elk paprika en cayennepeper 800 g mossels, skoongemaak 2 suurlemoene, in wiggies gesny 100 g botter, in blokkies gesny sout en vars gemaalde peper KRUIESPRINKEL 125 ml (½ k) sonneblompitte, in ’n droë pan gerooster 1 knoffelhuisies, fyngedruk ’n hand vol vars pietersielie ’n hand vol vars ment 60 ml (¼ k) olyfolie 15 ml (1 e) suurlemoensap VIR VOORSIT 1 ciabatta of lang Franse brood.

Mossels

Verhit die olie in ’n kastrol of in ’n baie diep pan (met ’n deksel). Braai die ui en knoffel tot sag en geurig. Roer die paprika en cayennepeper by en roerbraai 1 min. Voeg die mossels by. Druk die sap van die suurlemoenwiggies oor die mossels uit en sit die uitgedrukte suurlemoene tussen die mossels. Sit die deksel van die kastrol op en stoom 7-10 min. of tot die mossels oopgaan en gaar is. Gooi enige mossels weg wat nie wil oopgaan nie. Sprinkel die botterblokkies oor die mossels en roer deur tot dit gesmelt het. Geur met die sout en vars gemaalde peper na smaak.

Verwerk al die bestanddele in ’n voedselverwerker tot fyngekap. Geur met sout na smaak.

Kruiesprinkel Vir voorsit

Skep die sprinkel oor die mossels en sit voor saam met die brood.