DIÉ WEEK SE WENRESEP
CHURROBAKKIES MET LEMMETJIEROOMYS EN BOTTERKARAMELSOUS
GENOEG VIR 6 MENSE BEREIDING: 40 MIN. GAARMAAK: 20 MIN. VRIES: 6 UUR PISTACHIO-ENLEMMETJIEROOMYS 500 ml (2 k) dik room 1 x 387 g-blikkie
kondensmelk 60 ml (¼ k) pistachio
neute, grofgekap skil en sap van
2 lemmetjies CHURROBAKKIES 125 ml (½ k) botter 250 ml (1 k) water ’n knippie sout 250 ml (1 k) koekmeel 3 eiers, geklits olie vir diepbraai kaneelsuiker BOTTERKARAMELSOUS 170 g botter 180 ml (¾ k) bruin
suiker 15 ml (1 e) gouestroop 250 ml (1 k) dik room 30 ml (2 e) whisky
1 Roomys Klits die room styf. Vou die kondensmelk en ander bestanddele hierby in. Skep in ’n houer en vries sowat 6 uur; klits so elke twee uur met ’n vurk om te keer dat yskristalle vorm. 2 Churrobakkies Spuit die agterkant van diep muffinpanne baie goed met kossproei. 3 Meng die botter, water en sout oor ’n hoë hitte tot die botter gesmelt is. 4 Voeg die meel by en roer in. Verlaag die hitte en roer tot die deeg ’n bal vorm. 5 Haal die kastrol van die hitte af, laat effens afkoel en roer die eiers by. 6 Skep in ’n versiersak met ’n dik sterpunt. Draai ’n muffinpan onderstebo en spuit die deeg om die agterkant van ses van die holtes sodat dit ’n bakkie vorm, en vries dit so. 7 Verhit genoeg olie vir diepbraai. Lig die bakkies versigtig van die muffinpanne en plaas ’n paar op ’n slag in die olie. Braai tot goudbruin aan al- bei kante. Draai halfpad om tydens die gaarmaakproses. Dreineer die churrobakkies op kombuispapier en rol in die kaneelsuiker.
8 Sous Smelt die botter, suiker en gouestroop oor lae hitte. Roer aanhoudend sodat dit nie brand nie. 9 Roer die room in wanneer alles mooi opgelos is. Verwyder van die hitte en roer die whisky in.
10 Afronding Skep bolle van die roomys in die churrobakkies en sit die karamelsous louwarm daarby voor.