BESKERM WAT BELANGRIK IS
J Y WERK hard om iets in die lewe te bereik; dus maak dit sin dat jy jou goed wil beskerm. Korttermynversekering beveilig jou en bied ’n helpende hand wanneer jy dit die nodigste het deur jou teen alledaagse risikofaktore en verlies te beskerm.
Dit sluit alles in van die allerbelangrike dekking van jou huis tot die dekking in die geval van ’n motorongeluk. Dit is alles dinge waarvoor ’n mens nie begroot nie – stel jou net voor jy moet vooruit vir die lewe se teëspoed betaal! Om versekering te kry is ’n groot stap. Ons help om dit vir jou uiteen te sit en wys hoe jy jou huidige dekking kan verbeter.
WENKE WANNEER JY VERSEKERING KOOP
Onthou om rond te kyk wanneer jy versekering koop. Kontak inbelsentrums van betroubare ondernemings en raadpleeg aanlyn hulpmiddels vir mededingende kwotasies. ’n Aantal ondernemings bied aanlyn kwotasies en platforms vir die koop van versekering. Dit word gewoonlik deur ’n beveiligde webtuiste gebied, maar wees waaksaam dat jy ’n betroubare onderneming gebruik. Voor jy “ja” sê (of klik), maak seker jy weet presies wat jy soek en kan bekostig. Maak seker jy oorweeg ’n betroubare onderneming met ’n sterk uitbetaal- geskiedenis en dat jy al die relevante voordele en uitsluitings, kenmerke van elke polis, oorweeg. Wil jy van versekering sonderneming verander? Goedkoper is nie altyd beter nie en laat jou dalk sonder dekking vir sekere gebeurlikhede. Oorweeg ook of jy dadelik gedek sal wees. Jou premies word gewoonlik op grond van jou risiko’s bereken, asook die bybetaling wat jy in die geval van ’n eis sal moet betaal. As jy kan bekostig om ’n hoër bybetaling te betaal wanneer jy eis, vra ’n kwotasie met ’n hoër bybetaling sopsie; dit kan jou maandelikse premie verminder.