Gee jou sosialemediaprofiele ’n hupstoot
Gee jou aanlyn profiele ’n hupstoot om meer volgelinge of jou droomwerk te kry of selfs ’n internet-beïnvloeder te word
GOOGLE jouself en wat is die eerste ding wat jy sien? Elke liewe sosialemedia platform waarop jy al ooit ingeteken het.
En as jy deesdae vir ’n nuwe pos aansoek doen of op ’n eerste afspraak gaan, sal jou profielblad straks die eerste plek wees waar jou nuwe baas of toekomstige maat sal kyk. Die virtuele wêreld van Facebook, Instagram, LinkedIn en Twitter is nou die plek waar jy eerste indrukke maak.
Hoe kan jy jou sosiale media rekeninge ’n bietjie skop gee en jou beste kant wys? Hier’s raad.
Soek jy werk? Jou volgende groot werkgeleentheid is waarskynlik op LinkedIn. Maar met meer as ’n halfmiljard gebruikers wat teen jou meeding, hoe sorg jy dat jy bo die res uitstaan?
TOPWENKE
S Wees deeglik. LinkedIn het ’n oorvloed afde- S lings waar jy aspekte van jou loopbaan kan intik – benut die ruimte tot jou beskikking. Hoe meer besonderhede, hoe beter. S Lys vorige ervaring. Benewens jou huidige pos, voeg minstens twee vorige poste by sowel as watter vereistes dit aan jou gestel het.
S Kry bevestigings en aanbevelings. Vra voormalige en huidige kollegas om jou vaardighede te bevestig of stuur vir hulle ’n versoek vir aanbeveling (Recommendation Request). As dit vir jou te voor op die wa voel, por hulle aan deur een van die vaardighede wat op hul profiel gelys is te bevestig of skryf vir hulle ’n kort aanbeveling. Die een hand was die ander . . .
Netwerk met ander. Volg ’n maatskappy waar jy graag wil werk om op die hoogte te bly van die poste wat hulle dalk plaas. Delf selfs dieper en soek na LinkedIn-gebruikers wat by daardie onderneming werk, veral dié in die menslike hulpbronnea fdeling. Nooi hulle om met jou te verbind of stuur ’n boodskap waarin jy jou voorstel.