Ryan Gosling speel Neil Armstrong
Die akteur wat twee keer vir ’n Oscar benoem is, is Neil Armstrong in First Man
SENDING OP DIE MAAN
Gosling en n die regisseur Damien Chazelle van n La La Land werk weer saam, dié keer r om die storie van Neil Armstrong en n Nasa se Apollo 11-maansending in n die 1960’s te vertel. Die fliek wys hoe e Armstrong en sy vrou, Janet, hul tweejarige dogter, Karen, se dood weens ’n breingewas verwerk. Net weke ná haar dood sluit hy by die Gemini-ruimteprogram aan. “Ek dink nie Neil het homself as ’n Amerikaanse held beskou nie; dis net mooi die teenoorgestelde,” sê die Kanadese akteur (37) wat die rol vertolk van die eerste mens op die maan. “Neil was baie nederig, so ook baie van die ruimtevaarders.”
’N PRIVAAT MAN
Sommige resensente meen Armstrong, wat in 2012 in die ouderdom van 82 oorlede is, sou die fliek gehaat het omdat hy uit die kollig gebly het en baie gesteld was op sy privaatheid. Sy seuns, Mark en Rick, en eksvrou, Janet (wat deur Claire Foy gespeel word), is geraadpleeg oor die draaiboek. Hulle was eerlik oor hoe emosioneel afsydig hy was. “Janet sê ‘nee’ was ’n lang antwoord van Neil,” sê die draaiboekskrywer Josh Singer. “En Rick sê jy sou dikwels vir hom ’n vraag vra en hy sou net nie antwoord nie. Hy was ’n baie stil, emosioneel gelaaide ou.”
AANHANGER
Claire Foy, wat ’n Emmy gewen het vir haar spel as koningin Elizabeth I I in die Netflixtreffer reeks The Crown, is vol lof vir haar medester in First Man. “Ek voel letterlik asof God aankom wanneer Ryan in ’n vertrek instap,” sê die Britse aktrise (34). “Hy is fantasties. Welgedaan, Kanada! Hy is die vrygewigste, vriendelikste, snaaksste akteur. Dit is net ongelooflik om saam met hom te werk.”
RUIMTEMAN-PA
Gosling, wat saam met sy vrou, die aktrise Eva Mendes (44), twee dogters het, het in Jimmy Kimmel Live! gesê nadat Esmeralda (4) en klein Amada (2) hul pa in ’n ruimtepak gesien het, glo hulle nou hy is ’n ruimtevaarder. “My oudste het nou die dag na die maan gewys en gesê: ‘Dis waar jy werk, né?’ ” BRONNE: HOLLYWOODREPORTER.COM, BUSTLE.COM, COLLIDER.COM, NBCNEWS.COM,UNIVERSETODAY.COM, SPACE.COM