PRINSESKOEK

LEWER 1 GROOT KOEK, GENOEG VIR 30 PORSIES BEREIDING: 20 MIN. BAK: 20-25 MIN. AFKOEL: 30 MIN. KOEK 750 ml (3 k) koekmeel 100 ml kakaopoeier 20 ml (4 t) bakpoeier 10 ml (2 t) koeksoda 500 ml (2 k) suiker 500 ml (2 k) water 250 ml (1 k) olie 60 ml (¼ k) appelsiderasyn

VERSIERSEL

basiese versiersel x 3 pienk koskleursel eetbare gedrukte prinsesprent (bestel dit by ’n koekwinkel)

VIR VERSIERING

prinsesfigure (jy kan dit by speelgoedwinkels of supermarkte koop) Voorverhit die oond tot 180 °C. Smeer ’n 35 cm x 20 cm-oondpan en voer dit met bakpapier uit.

1 Koek Maak 2 baksels van die koekmengsel aan. Sif al die droë bestanddele saam in ’n groot mengbak. 2 Klits al die nat bestanddele saam en giet by die droë bestanddele in terwyl jy ’n groot ballonklitser gebruik om dit stadig te klits tot die beslag glad is. Giet die beslag in die bereide pan en bak 20-25 min. of tot ’n toetspen skoon uitkom. Laat 10 min. in die pan afkoel en plaas dan op ’n draad- rak. Herhaal met die tweede koek.

3 Versiersel Maak die basiese versiersel en kleur met pienk koskleursel om ’n ligpienk versiersel te skep. 4 Plaas 1 van die koeke op ’n koekbord, smeer die versiersel bo-op en plak die ander koek daarop vas. Bedek die hele koek met versiersel, maak dit met ’n paletmes glad en plaas die prent bo-op in die middel van die koek. 5 Voeg nog kleursel by die oorblywende versiersel om die pienk donkerder te maak. Plaas ’n stervormige tuit in ’n spuitsak en plaas die versiersel in die spuitsak. Spuit patrone al langs die onder- en bokant van die koek.

6 Vir versiering Sit die prinsesfigure op die koek. (Blaai om)